Sør guvernement

Denne artikkelen handlar om guvernementet i Libanon. For det i Bahrain, sjå Sørlege guvernement.

Sør guvernement (arabisk محافظة الجنوب‎, romanisert Muḥāfaẓat al-Janub) er eit guvernement i Libanon. Sør-Libanon har kring 500 000 innbyggjarar og eit areal på 929,6 km². Administrasjonssenteret er Sidon. Høgda i regionen varierer frå havnivå til kring 1000 meter. Innbyggjarane er ei blanding av sjiamuslimar, sunnimuslimar og ortodokse, katolske og protestantiske kristne. Temperaturane kan falle til kring 4 °C om vinteren med ein god del regn og snø i høgda. Om somrane er det høg luftfukt og temperaturen kan stige til 30 °C i kystområda. Guvernementet har fleire elvar som Litani, Zahrani, Naqura, Awali, Qasmiye og Hasbani. Området er kjent for dyrking av sitrus og bananer. Dei største byane er Sidon, Tyr og Jezzine.

Sør
الجنوب
guvernement
Vasskjelde i Arabsallim i Sør-Libanon
Land	Libanon
Adm.senter	Sidon
Areal	929,6 km²
Folketal	542 639 (2008)
Tidssone	EET (UTC+2)
•  Sommartid	EEST (UTC+3)
Sør guvernement 33.55°N 35.383333333333°E / 33.55; 35.383333333333
Kart over Libanon med Sør avmerkt Kart over Libanon med Sør avmerkt
Wikimedia Commons: South Governorate

Turistmål og hendingar

Området har mange turistmål, mellom anna kvite, vakre strender sør for Tyr, og høve til å snorkle eller dykke blant fønikiske og romerske ruinar under vatn nær dei gamle byane Sidon og Tyr. Her finst basarar frå tida kring osmanarane og mange sjømatrestaurantar med utsikt over Middelhavet. Tyr-festivalen tiltrekkjer seg tusenvis av turistar kvart år.

Religion

Sjiamuslimar utgjer kring 60 % av folkesetnaden, sunnimuslimar 17 %, og kring 23 % er kristne.

Distrikt

• Sidon distrikt
• Jezzine distrikt
• Tyr distrikt

Byar

• Jezzine
• Sidon eller Saida
• Tyr
• El-Kfeir (Kufayr az Zayt)
• Sarafand
• Kfarmelki
• Srayra

Sjå òg

• Sør-Libanon

Kjelder

• Denne artikkelen bygger på «South Governorate» frå Wikipedia på engelsk, den 19. august 2014.

Bakgrunnsstoff

Commons har multimedium som gjeld: Sør guvernement