Schakklubben av 1911
Schakklubben av 1911 er ein sjakklubb i Oslo.
Schakklubben av 1911 vart stifta 14. november 1911. Den var ein av dei sju sjakklubbane som var med og stifta Norges Sjakkforbund i 1914.
Den vart raskt ein nokså stor klubb, med sterke spelarar. I 1926 vart Lars Hanssen nr 2 i øvste klasse i Noregsmeisterskapen i sjakk, og i 1927 vart Haakon Opsahl nr 3. I 1936 vann klubben den første noregsmeisterskapen i sjakk for klubblag.
Schakklubben av 1911 har vore i kontinuerleg drift sidan 1911, men i 1992 var klubben nær ved å bli nedlagd. Det vart då vald eit nytt interimstyre, og det vart skaffa nye spelelokale. På årsmøtet i 1993 vart dåverande generalsekretær i Norges Sjakkforbund Johs. R. Kjeken vald til ny formann.
Klubben har i ettertid hatt jamn vekst i medlemstal, aktivitet og spelestyrke. Dette mellom anna på grunn av systematisk og omfattande aktivitet i Schakklubben av 1911 si ungdomsavdeling. Dette har ført til at spelarar frå klubben har tatt heim mange meisterskap i turneringar som NM i sjakk for ungdom og NM i sjakk for skulelag, og i dei aldersbestemte klassane i Noregsmeisterskapen i sjakk.
Klubben har dei siste sesongane spelt i den norske eliteserien i sjakk.
Schakklubben av 1911 er no den største i Noreg, med om lag 110 medlemmar pr 31.12.2007.
Dei mest kjende spelarane frå klubben no, er stormeistrane Frode Urkedal og Torbjørn Ringdal Hansen og Internasjonal Meister i sjakk (IM) Torstein Bae. Torstein Bae var president i Norges Sjakkforbund frå 2004 til 2007, og er seinare kjend som sjakk-kommentator i NRK. Frode Urkedal vart noregsmeister i sjakk for 2012 og 2014.
Schakklubben av 1911 arrangerte Noregsmeisterskapen i sjakk for 2011, i samband med at klubben då var 100 år.
Bakgrunnsstoff
endreKjelder
endre- Øystein Brekke: Norges sjakkforbund 75 år 1914-1989, Norges Sjakkforbund 1989, ISBN 82-991916-0-2
- SK av 1911 - klubbens historie