Saint James Parish på Jamaica

	Saint James
	fylke
	Utsyn over Montego Bay
Land	Jamaica
Region	Cornwall
Hovudstad	Montego Bay
Areal	595 km²
Folketal	187 396 (2014)
	; Saint James Parish; 18°23′00″N 77°53′00″W / 18.383333333333°N 77.883333333333°W
	Kart som viser Saint James Parish på Jamaica. Kart som viser Saint James Parish på Jamaica.
	Wikimedia Commons: Saint James Parish, Jamaica

Saint James Parish er eit parish (tilsvarande fylke) på Jamaica som ligg nordvest på øya. Det grensar til Trelawny Parish i aust, Hanover og Westmoreland i vest og Saint Elizabeth i sør, og har kyst mot Det karibiske havet i nord.

Fylket er prega av administrasjonssenteret Montego Bay, som er den andre største byen på øya etter Kingston. Byen ligg i ei bukt som er verna mot handelsvindane av låge åsar. Han er eit viktig senter for turistindustrien, med Sangster internasjonale lufthamn nord for byen. Det ligg mange større hotell langs kysten.^[2]

Montego Bay og området rundt har lenge hatt eit problem med kriminalitet. 18. januar 2018 blei det erklært unntakstilstand i St James,^[3] etter ein kraftig valdsauke. St James hadde då ein dobbelt så høg mordrate som andre parish på Jamaica.^[4]

Andre større busetjingar er Cambridge, Adelphi, Montpelier og Catadupa. Det blir dyrka sukker, banan og kaffi her.^[2]

Minnesmerke over Samuel Shape i Montego Bay.

Kjende folk frå Saint James

Samuel Sharpe (d. 1833), jamaicansk nasjonalhelt
Jimmy Cliff, ska- og reggaesongar, musikar og skodespelar, teken inn i Rock and Roll Hall of Fame i 2010.
Yohan Blake, sprintar

Kjelder

↑ ^1,0 ^1,1 ^1,2 ^1,3 ^1,4 ^1,5 ^1,6 https://statinja.gov.jm/Demo_SocialStats/PopulationStats.aspx.
↑ ^2,0 ^2,1 «POLITICAL GEOGRAPHY». discoverjamaica.com. The Gleaner Online. Henta 6. desember 2017.
↑ «State of Emergency’ in Jamaica Helping Suppress Gang Activity», Caribbean36, 6. mars 2018, arkivert frå originalen 22. mars 2018, henta 22. mars 2018
↑ Simon Lennon (19. januar 2018), «Gunmen on RAMPAGE in Brit holiday hotspot as tourists ordered to 'stay in your hotels'», The Daily Star

Bakgrunnsstoff

Commons har multimedium som gjeld: Saint James Parish på Jamaica

[wikidata-8d9e1806668ae9df4373560e9ac99b949bf01661-v4-1] 1,0 ^1,1 ^1,2 ^1,3 ^1,4 ^1,5 ^1,6 https://statinja.gov.jm/Demo_SocialStats/PopulationStats.aspx.

[Discover-2] 2,0 ^2,1 «POLITICAL GEOGRAPHY». discoverjamaica.com. The Gleaner Online. Henta 6. desember 2017.

[3] «State of Emergency’ in Jamaica Helping Suppress Gang Activity», Caribbean36, 6. mars 2018, arkivert frå originalen 22. mars 2018, henta 22. mars 2018

[4] Simon Lennon (19. januar 2018), «Gunmen on RAMPAGE in Brit holiday hotspot as tourists ordered to 'stay in your hotels'», The Daily Star

[1]

[2]

[3]

[4]