Trelawny Parish
Trelawny Parish er eit parish (tilsvarande fylke) på Jamaica som ligg nordvest på øya. Det grensar til Saint Ann Parish i aust, Saint James i vest og Saint Elizabeth og Manchester i sør. I nord har det kyst mot Det karibiske havet.
| Trelawny | |||
| fylke | |||
.jpg) Falmouth i Trelawny
| |||
| Land |  Jamaica
| ||
|---|---|---|---|
| Region | Cornwall | ||
| Hovudstad | Falmouth | ||
| Areal | 874 km² | ||
| Folketal | 75 558 (2012[1]) | ||
 Trelawny Parish 18°23′00″N 77°38′00″W / 18.383333333333°N 77.633333333333°W | |||
 Kart som viser Trelawny Parish.
| |||
| Wikimedia Commons: Trelawny Parish | |||
Fylket blei skipa i 1770. Det er kalla opp etter den dåverande guvernøren på Jamaica, William Trelawny (d. 1772).[2]
Administrasjonsbyen for Trelawny Parish er Falmouth, ved nordvestkysten av fylket. Den opphavlege hovudstaden var Martha Brae, eit stykke inn i landet. Andre viktige busetjingar er Rio Bueno med ei særs djup hamn, Stewart’s Town, og Wait-a-Bit.[2] Berre rundt 8000 av dei 75 000 innbyggjarane i Trelawny bur i hovudbyen Falmouth. Jordbruk er ein viktig næringsveg i fylket, med sukker og rom som hovudprodukta. Ein dyrker også mellom anna ingefær, pimento, tre som kampeche og ein del bananar.[3]
Sør i Trelawny ligg Cockpit Country, eit åslendt karst-område dekt av urskog. Skogen er prega av artsrikdom, og huser fleire endemiske artar.[4]
Kjende folk frå Trelawny
endre- Hugh Shearer (f. 1923), politikar frå Martha Brae som blei statsminister for Jamaica i 1967.[2]
- Rex Nettleford (f. 1933), dansar, pedagog og kritikar frå Bunkers Hill.[2]
- Veronica Campbell-Brown (f. 1982), friidrettstutøvar frå Clarks Town med fleire OL-medaljar.[2]
- Usain Bolt, (f. 1986), friidrettstutøvar frå Sherwood Content med fleire OL-medaljar og verdsrekordar.[2]
Kjelder
endre- ↑ «Population by Parish». Statistical Institute of Jamaica. Henta 16. september 2015.
- ↑ 2,0 2,1 2,2 2,3 2,4 2,5 Parish Profile: Trelawny, Jamaica Information Service, henta 22. mars 2018
- ↑ «POLITICAL GEOGRAPHY». discoverjamaica.com. The Gleaner Online. Henta 22. mars 2018.
- ↑ Professor Simon F. Mitchell; Dr. David J. Miller; Dr. Savitha Ganapathy; Dr. Balfour Spence (9. oktober 2008), Defining the Boundaries of The Cockpit Country. Final Report (PDF), Mona, Kingston 7, Jamaica: The Department of Geography and Geology, The University of the West Indies