Sakakah
Sakakah (arabisk سكاكا) er ein oaseby nordvest i Saudi-Arabia og er hovudstaden i Al Jawf-regionen. Han ligg like nord for An Nafud-ørkenen. Sakakah hadde eit folketal på 242 813 i 2010.[1][2]
| Sakakah | |||
| سكاكا | |||
| by | |||
 | |||
| Land |  Saudi-Arabia
| ||
|---|---|---|---|
| Provins | Al Jawf | ||
| Høgd | 566 moh. | ||
| Koordinatar | 29°58′11″N 040°12′00″E / 29.96972°N 40.20000°E | ||
| Areal | 100 km² | ||
| Folketal | 242 813 (2010)[1] | ||
| Folketettleik | 2 428 / km² | ||
 Sakakah 29°58′11″N 40°12′00″E / 29.969722222222°N 40.2°E | |||
  Kart som viser Sakakah.
| |||
Jordbruk
endreAl-Jawf har rikt med vatn som gjer det mogeleg å dyrke dadlar (200 000 palmar) og oliven (12 000 000 tre), i tillegg til andre jordbruksprodukt. talet på gardar er kring 16 000, og jordbruksprosjekta kring 1 500. Her ligg Watania-gardane,[3] den største organiske garden i kongedømet. Det frodige jordbruksområdet i Al-Jawf kjem hovudsakleg av store mengder undergrunnsvatn.
Historiske palass
endre-
Rajajil -
Omarmoskeen i Dumat Al-Jandal -
Mardborga
Historia til Al-Jawf strekkjer seg meir enn fire tusen år attende. Her finst mange historiske og førhistoriske stader, som Za'balborga- og brunnen, Omar ibn Al-Khattab-moskeen i Dowmat Al-Jandal og Mardborga (like sør for Sakaka). Her finst òg dei gamle ståande steinane Rajajil i Sakaka, som er datert nesten 6 000 år attende.
Modernisering
endreMange område i Saudi-Arabia slit med utvikling og modernisering utført på kort tid. I nyare år har den saudiarabiske staten pøst pengar inn i regionen Al-Jawf, og særleg Sakaka, for å utvikle den økonomiske stagnerte regionen. Byen er derfor full av nye, statlege bygg, skular og sjukehus. Her ligg mellom anna Al Jouf universitet (Jami'at Al-Jawf), som vart skipa i 2005.[4]
Klima
endreKöppen-Geiger si klimaklassifisering klassifiserer klimaet som varm ørken (BWh).[5]
| Vêrdata for Sakaka | |||||||||||||
|---|---|---|---|---|---|---|---|---|---|---|---|---|---|
| Jan | Feb | Mar | Apr | Mai | Jun | Jul | Aug | Sep | Okt | Nov | Des | År | |
| Gjennomsnittleg maks °C | 15,5 | 18,8 | 23,4 | 29,3 | 34,2 | 37,8 | 39,4 | 39,4 | 38,1 | 32,6 | 23,2 | 17,3 | 29,1 |
| Døgnmiddeltemperatur °C | 9,7 | 12,6 | 16,7 | 22,6 | 27,5 | 31 | 32,9 | 32,8 | 31 | 25,5 | 17,2 | 11,2 | 22,6 |
| Gjennomsnittleg min °C | 4 | 6,5 | 10 | 15,9 | 20,8 | 24,2 | 26,4 | 26,2 | 23,9 | 18,4 | 11,2 | 5,2 | 16,1 |
| Gjennomsnittleg nedbør mm | 11 | 4 | 9 | 13 | 0 | 2 | 0 | 0 | 0 | 10 | 6 | 9 | 64 |
| Kjelde: Climate-Data.org (høgd: 550m)[5] | |||||||||||||
Kjelder
endre- Denne artikkelen bygger på «Sakakah» frå Wikipedia på engelsk, den 22. desember 2015.
- Wikipedia på engelsk oppgav desse kjeldene:
- ↑ 1,0 1,1 «Saudi-Arabia: Sakaka». Geohive.
- ↑ Taher, Mohamed (1998). Encyclopaedic Survey of islamic Culture. Anmol Publications. ISBN 81-261-0403-1.
- ↑ Watania Farms
- ↑ University of Al-Jouf
- ↑ 5,0 5,1 «Climate: Sakaka - Climate graph, Temperature graph, Climate table». Climate-Data.org. Henta 28. oktober 2015.
Bakgrunnsstoff
endre- Ei reise gjennom provinsen Al Jouf, Splendid Arabia.