Salamína

Salamína (gresk Σαλαμίνα, i antikken Σαλαμίς, Salamís) er den største av Dei saroniske øyane i Saroniabukta i Hellas, om lag 2 km utanfor Pireus. Øya er ein kommune i periferieininga Øyane i periferien Attikí.

Salamína Lokalt namn Σαλαμίνα
Utsyn over Salamína
Geografi
Stad	Saroniabukta i Egearhavet
Koordinatar	37°58′N 22°30′E
Øygruppe	Dei saroniske øyane
Areal	96,09 km²
Administrasjon
Land	Hellas
Periferi Periferieining	Attikí Øyane
Største busetnad	Salamína (24 537 innb.)
Demografi
Folketal	37 220 (2021)
Folketettleik	387,3 /km²

Paloúkia er den største hamna, den nest største i Hellas etter Pireus. Namnet «Salamis» kjem sannsynlegvis frå Salam (chalam), som tyder 'fred' eller 'ro' og som vart nemnd av Homer. Ho kan òg ha vore kalla opp etter mor til Kykreos. Kykreos var den første kongen på øya.

Historie

Kart over Slaget ved Salamína.

Salamína er kjend for slaget ved Salamis, og skal i følgje gresk mytologi vere fødestaden til Ajax og Euripides, som visstnok vart fødd same dag som slaget ved Salamis. I moderne tider har ho vore hovudkvarter for den greske marinen. Hamna vart bomba av tyske Luftwaffe i 1941, som sokk dei greske slagskipa «Kilkis» og «Lemnos».

Folketalet auka etter den andre verdskrigen og den greske borgarkrigen, men forstadshus kom først seinare i 1970-åra. Byområdet voks på 1980- og 1990-talet til dei sentrale og vestlege delane av øya, medan det vart bygd luksusbustader i nord, i vest og i sør.

Administrativ inndeling

Den tidlegare kommunen Salamína, no kommunaleininga Salamína

Heile øya er i dag ein kommune etter at ein i 2011 slo saman dei tidlegare kommunane

• Salamína
• Ambelákia

Dei to tidlegare kommunane er no kommunaleiningar.

Ved folketeljinga i 2021 hadde kommunen 37 220 innbyggjarar, medan kommunaleininga Salamína hadde 30 235 og tettstaden med same namn 24 537 innbyggjarar.

Byar og tettstader

Dei største byane og tettstadene i kommunen er:

Tettstad	Kommunaleining	Folketal 2011	Folketal 2021
Salamína	Salamína	25 370	24 537
Ambelákia	Ambelákia	4 710	4 530
Eándio	Salamína	4 860	4 390
Selínia	Ambelákia	2 509	2 376
Stenó	Ambelákia	198	239

Dei andre busetnadene på øya er:

Peristéria (191) Kanákia (180) Pérani (177) Batsí (172)

Kolónes (142) Dimítrani (87) Maroúdi (71) Kynosoúra (58)

Ellinikó (28) Moní Kimíseos Theotókou Faneroménis (21) Spithári (21)

Småøyar i kommunen:

• Ájos Jeórjios (0)
• Arpidóni (0)
• Léros (0)
• Makrónisos (0)
• Megáli Kýra (0)
• Mikrí Kýra (0)
• Revythoúsa (0)
• Gaidoúri (0)
• Kanákia (0)
• Péra (0)
• Peristéria (0)
• Trínisa (0)
• Atalándi (0)

Kjelder

• Denne artikkelen bygger på «Salamis Island» frå Wikipedia på engelsk, den 24. juli 2007.

Bakgrunnsstoff

• Offisiell nettside