Sandfloeggi

Sandfloeggi eller Sandfloegga er eit 1721 meter høgt fjell som ligg i Ullensvang kommune og det er høgaste fjell på Hardangervidda om ein ikkje rekna med Hardangerjøkulen og Folarskardnuten. Sandfloeggi er saman med Nupmassivet i sør eit ganske utprega fjellmassiv på den elles langstrekte, flate vidda. Hardangervidda ligg i gjennomsnitt på 1200 moh., men i sørvest ved Sandfloeggi er terrenget meir kupert.

Sandfloeggi
fjell
Sett frå Holmasjøen (søraust)
Land	Noreg
Fylke	Vestland
Kommune	Ullensvang
Fjellområde	Hardangervidda
Høgd	1 721 moh.
Primærfaktor	540 m
Koordinatar	59°56′50.89″N 7°8′39.81″E
Sandfloeggi 59.947469444444°N 7.1443916666667°E / 59.947469444444; 7.1443916666667

Frå toppen kan ein sjå ut over heile Hardangervidda, Hårteigen (1690 moh.) i nord, Hallingskarvet (1933 moh.) i nordaust, Gaustatoppen (1883 moh.) i søraust og ut mot Folgefonna (1662 moh.) i vest. Mange trur at Hårteigen er den høgaste på Hardangervidda, sidan han kanskje er meir kjent og meir utprega for vandrarar på vidda, men det er han altså ikkje.

Sandfloeggi er som med Hårteigen delt inn i tre etasjar av bergartar. Nedst er det grunnfjell-granitt, ovanfor ligg metamorfe sedimentbergartar, og øvst dannar den harde gneisen dei bratte stupa i nordaust.

Tilkomst

De fleste går til Sandfloeggi vinterstid på ski frå Haukeliseter, og følgjer då som regel ei kvista løype ved Mannevatn. Så går ein opp til Holmasjøen og passerer denne (om isen er trygg). Eventuell rute vidare er opp frå Sandflotjønna. Sommarstid tar ein vanlegvis ruta på austsida av tjønna. Etter ein har nådd toppen kan ein velje å gå tilbake til Haukeliseter eller dra vidare mot Hellevassbu eller Middalsbu. Sommarstid er det lettast å nå toppen frå Middalsbu og følgje Trossovdalen opp på toppen, på platået er det to "brear", men desse er stort sett ufarlege å gå på.

Denne geografiartikkelen som har med Vestland å gjere, er ei spire. Du kan hjelpe Nynorsk Wikipedia gjennom å utvide han.