Santanderbukta

Santanderbukta er både ein comarca i Cantabria og det største estuaret på nordkysten av Spania, med eit areal på 22,42 km², ei lengd på 9 km og ei breidde på 5 km. Sidan byen Santander og storbyområdet til byen ligg ved bukta, bur nesten halvparten av folkesetnaden i regionen rundt bukta. Den menneskelege påverknaden på bukta er derfor stor.

Kommunane som offisielt er ein del av Satander comarca er i raudt; I lyst raudt er dei kommunane som administrativt ikkje er ein del av denne comarcaen, men som naturleg høyrer til området.

Ved munningen av bukta ligg Sardinero-strendene og Mouroøya med eit fyr. Innløpet til den indre delen av bukta er mellom Magdalenahalvøya og sandbankane på El Puntal, ei lang rekkje strender og sanddyner som vernar dei indre områda av bukta.

Store myrområde rundt bukta er drenerte og i dag nytta som grassletter, hamneområdet i Santander og nye industri- og bustadområde.

Elvar og riaer

Fleire elvar munnar ut i Santanderbukta. Dei viktigaste av desse er Solia, San Salvador, Astillero, Ria del Carmen, Ria del Roas, Ria de Cubas og Miera.

Utsyn over Santanderbukta.

Bakgrunnsstoff

• Webkamera over Santanderbukta
• HD-kamera over bukta
• Bilete av Santander og Cantabria, inkludert Santanderbukta

Kjelder

• Denne artikkelen bygger på «Bay of Santander» frå Wikipedia på engelsk, den 26. september 2009.
  • Wikipedia på engelsk oppgav desse kjeldene: