Scott-basen

	Scott-basen
	stasjon
	Flyfoto ved Scott-basen på Ross Island i Antarktis
Land	Antarktis
Stad	Ross Dependency
- koordinatar	77°51′S 166°45′E / 77.850°S 166.750°E
Administrert under	Antarktistraktaten
	; Scott-basen; 77°51′S 166°45′E / 77.85°S 166.75°E
	Scott-basen (Antarktis)
	Wikimedia Commons: Scott Base

For andre tydingar av oppslagsordet, sjå Amundsen-Scott-stasjonen.

Scott-basen er eit forskingsanlegg som ligg i Antarktis og vert drive av New Zealand. Basen vart kalla opp etter kaptein Robert Falcon Scott i Royal Navy, leiaren for to britiske ekspedisjonar til Rosshavet i Antarktis. Basen ligg på Ross Island nær Mount Erebus i Ross Dependency, og vart opphavleg oppretta som eit senter for feltforsking i geovitskapar, men det vert i dag drive mykje forskjellige felt.

Historie

Scott-basen vart opphavleg bygd for å støtte den britiske Commonwealth Trans-Antarctic Expedition (TAE). Tre observatørar frå New Zealand vart med for å finne ein eigna stad for ein base og dei valde McMurdo Sound med hjelp frå USA under Operasjon Deep Freeze I sommaren 1955. Etter ei evaulering av mogelege stader, valde dei ein stad nær Butter Point. Dette vart seinare flytta til Pram Point sidan det var lettare å losse forsyningar frå ekspedisjonsskipet HMNZS «Endeavour» i tillegg til at ein knytte nytte isen som rullebane. Basen ligg oppom Haskell Strait. Scott-basen gjekk over til dei newzealandske styresmaktene via Department of Scientific and Industrial Research (DSIR) 5. mars 1958, då TAE var over.

I løpet av det internasjonale geofysiske året fungerte ikkje anlegget til USA ved Hut Point som vitskapleg base. Denne oppgåva gjekk til Scott-basen, som fekk i oppdrag å samle inn vitskaplege data (polarlys, ionosfæren, seismikk mm.) og knytte forskingsaktivitetane i McMurdo-området til aktivitetane ved den amerikanske polstasjonen og den felles amerikanske og newzealandske stasjon ved Cape Hallett i Victoria Land.

I 1958, då det internasjonale året var over, valde New Zealand å halde fram drifta av Scott-basen for å drive forsking. For å oppretthalde operasjonane, starta ei ombygging av basen i 1976. I 2005 vart basen igjen utvida og dekka då 1800 kvadratmeter.

Klima

Basen har eit typisk klima for kysten av Antarktis, med ein minimumstemperatur kring −45 °C og maksimumstemperaturar som stundom stig over null grader. Han er utsett for kraftige, sørlege snøstormar, men alt i alt er det mindre vindfullt her enn på McMurdo-basen. Det høgaste vindkastet som er målt her var på 185 km/h med middelvindar under snøstormar på 95–115 km/h. Varmerekorden på stasjonen er 6,0 °C og kulderekorden er −57 °C, medan middeltemperaturen er −19,6 °C. [1]

**Klima på Scott-basen**
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Normal maksimumstemperatur (°C)	−1,2	−7,9	−15,8	−18,6	−20,0	−20,1	−22,3	−23,0	−22,0	−16,0	−7,3	−1,5	−14,6
Månadsmiddeltemperatur (°C)	−4,5	−11,4	−20,5	−24,0	−25,6	−26,0	−28,3	−29,7	−28,1	−21,3	−11,4	−4,8	−19,6
Normal minimumstempeatur (°C)	−7,9	−15,1	−25,1	−29,4	−31,1	−31,9	−34,4	−36,4	−34,2	−26,7	−15,5	−8,2	−24,7
Normal relative råme (%)	76,0	71,1	69,0	68,8	69,8	69,3	67,3	64,6	66,7	66,2	69,4	74,3	69,5
Kjelde: National Institute of Water and Atmospheric Research

Sjå òg

Bakgrunnsstoff

Heimesida til Antarktis New Zealand
Heimesida til Scottbasen Arkivert 2009-10-04 ved Wayback Machine.
Vêret på Scott-basen Arkivert 2012-01-16 ved Wayback Machine.
Webkamera ved Scott-basen