Ross Island

Ross Island er ei øy danna av fire vulkanar i Rosshavet nær det antarktiske kontinentet, utanfor kysten av Victoria Land i McMurdo Sound.

Ross Island
øy
Kart over Ross Island
Land	Antarktis
Øygruppe	Ross Archipelago
Del av	Ross Archipelago
Stad	Antarktis
- koordinatar	77°30′S 168°0′E
Høgaste punkt	Erebus
•  høgd	3 794 moh.
Areal	2 460 km²
Folketal	100
Administrert under	Antarktistraktaten
Ross Island 77.5°S 168°E / -77.5; 168
Ross Island (Antarktis)
Wikimedia Commons: Ross Island

Geografi

Ortografisk projeksjon sentrert over Ross Island

Landfast havis i framgrunnen. Ross Island i bakgrunnen.

På grunn av vedvarande isdekke, vert øya stundom rekna som ein del av Antarktika. Ho har eit areal på 2460 km²; og berre ein liten del av øya er is- og snøfri. Den sørlegaste aktive vulkanen på jorda, Erebus (3794 moh.), og den sørlegaste sovande vulkanen Terror (3230 moh.), ligg på øya. Dei vart namngjevne av James Clark Ross etter skip hans HMS «Erebus» og HMS «Terror». Det tredje høgaste fjellet på øya er Mount Bird, med Shell Glacier og Endeavour Piedmont Glacier i fjellsidene. Abbott Peak står mellom Mount Erebus og Mount Bird. Gamble Cone står aust på øya.

Trass i at øya er relativt lita, er ho den sjette høgaste øya i verda.

Oppdaging

Sir James Clark Ross oppdaga øya i 1841, og ho vart seinare kalla opp etter han av Robert F. Scott.

Ross Island vart basen for mange tidlege ekspedisjonar i Antarktis. Ho var og er framleis den sørlegaste øya som er mogeleg å nå til sjøs. Hytter bygde av ekspedisjonane til Scott og Shackleton står framleis på øya og er i dag bevarte som historiske stader.

I dag står den newzealandske Scott Base på øya og her står òg den største busetnaden i Antarktis, U.S. Antarctic Program sin McMurdo Station. Greenpeace oppretta World Park Base på øya og dreiv denne i fem år frå 1987 til 1992.

Krav

Ross Island ligg innanfor grensene til Ross Dependency, som er kravområdet til New Zealand i Antarktis.

Dyreliv

Ross Island har ein koloni på kring ein halv million adeliepingvinar.

Sjå òg

Composite Antarctic Gazetteer Erebus hotspot Erebus Ice Tongue Antarktiske og subantarktiske øyar

Antarktiske øyar sør for 60 °S Øyar i New Zealand McMurdo Sound

Rosshavet SCAR kravområde i Antarktis Air New Zealand Flight 901

Kjelder

• Denne artikkelen bygger på «Ross Island» frå Wikipedia på engelsk, den 28. oktober 2012.
  • Wikipedia på engelsk oppgav desse kjeldene:
• LeMasurier, W. E.; Thomson, J. W., red. (1990). Volcanos of the Antarctic Plate and Southern Oceans. American Geophysical Union. s. 512 pp. ISBN 0-87590-172-7. 

Bakgrunnsstoff

• Map of Ross Island and Dry Valleys, NIWA New Zealand