Serafim av Sarov
Serafim av Sarov (fødd Prokhor Isidorovitsj Mosjnin 19. juli 1754–2. januar 1833) var ein russisk munk og mystikar. Sankt Serafim budde i klosteret i Sarov, men verka som åndeleg far for det då vesle nonneklosteret i Divejevo, nokre kilometer frå Sarov. St. Serafim er ein av dei mest elska av dei russiske helgenane, og blei kanonisert den 19. juli jul./ 1. 1903 greg. etter personleg påtrykk frå tsar Nikolaj II. Relikviane hans blei tekne vare på i ein gullsarkofag i Sarovklosteret, men under revolusjonen blei dei gøymde av nonnene frå Divejevo, som sydde dei inn i lerret. Bolsjevikane var særs oppsett på å finna relikviane, då det blei sagt at St. Serafim hadde sett kommunistane si maktovertaking og fall.
| Serafim av Sarov | |||
.jpg) | |||
| Namn | Прохор Мошнин, Prokhor Mosjnin | ||
|---|---|---|---|
| Fødd | 19. juli 1754 | ||
| Fødestad | Kursk | ||
| Daud | 2. januar 1833 | ||
| Dødsstad | Sarov | ||
| Yrke | munk, ortodoks prest, Eastern Orthodox monk | ||
| Helgendag | 1. august, January 2, 15. januar | ||
I kaoset under revolusjonen og den påfølgjande borgarkrigen forsvann relikviane ut av historia. I 1991, på slutten av Gorbatsjov sin reformperiode, blei relikviane funne igjen i kjellaren i eit ateistisk museum i Leningrad, framleis innsydd i lerret, og merka med påskrifta "gamle måleri". Sommaren 1991 blei relikviane tekne til Moskva under stor kyrkjeleg festivitas, med m.a patriark Aleksij II til stades. Klosteret i Sarov var enno ikkje gjenopna, men det blei avgjort at relikviane skulle takast vare på i nonneklosteret i Divejevo. Det er i dag eit av dei store ortodokse pilegrimsmåla i Russland.
Kjelder
endre- Denne artikkelen bygger på «Serafim av Sarov» frå Wikipedia på bokmål, den 18. juli 2021.