Shelley Winters
Shelley Winters (fødd Shirley Schrift, 18. august 1920–14. januar 2006) var ein prisvinnande amerikansk skodespelar.
| Shelley Winters | |||
 | |||
| Fødd | 18. august 1920 | ||
|---|---|---|---|
| Fødestad | East St. Louis | ||
| Død | 14. januar 2006 (85 år) | ||
| Dødsstad | Beverly Hills | ||
| Aktive år | 1943–2006 | ||
| Verka som | skodespelar, filmskodespelar, teaterskodespelar, fjernsynsskodespelar, skribent, sjølvbiograf | ||
| Ektefelle | Paul Meyer (1942-1948) Vittorio Gassman (1952-1954) 1 dotter Anthony Franciosa (1957-1960) Gerry DeFord (2006) | ||
| Prisar | Oscar for beste kvinnelige birolle, Oscar for beste kvinnelige birolle, Oscar-prisen, Primetime Emmy Award for Outstanding Lead Actress in a Miniseries or a Movie, stjerne på Hollywood Walk of Fame | ||
Shelley voks opp i Brooklyn i New York City. Ho hadde rollar i skodespel teaterskolen sette opp, medan ho arbeidde i butikk og som fotomodell for å kunne betale teaterstudiene. Ho debuterte på Broadway i 1941, og spelte i den første filmen sin, What a Woman!, i 1943. Det store gjennombrotet kom med rolla som ei gravid fabrikkarbeidarske i filmen En plass i solen i 1951.
På 1970-talet hadde Winters mange suksessar på Broadway.
På slutten av 1980-talet kom memoara til Winters ut. I denne boka skriv ho at ho har hatt kjærleiksaffærer med alle store Hollywoodstjerner, frå Burt Lancaster og Errol Flynn til Marlon Brando.
Winters var open, livleg, temperamentsfull og politisk aktiv. Ho har vunne Oscar to gonger, ved sida av at ho vart nominert for beste kvinnelege birolla for rolla i Poseidon-katastrofen. Vann i 1973 ein Golden Globe for rolla si i katastrofefilmen S.O.S. Poseidon.
Oscar og nominasjonar
endre- 1951 - Nominert for pris for beste skodespelarinne (hovudrolle) som Alice Tripp i A Place in the Sun
- 1959 - Oscar for beste skodespelarinne (birolle) som fru Petronella Van Daan i Anne Franks dagbok
- 1965 - Oscar for beste skodespelarinne (birolle) som Rose-Ann D'Arcy i Et streif av blått (A Patch of Blue)
- 1972 - Nominert for beste skuespillerinne (birolle) som Belle Rosa i The Poseidon Adventure
Shelley Winters si stjerne på Hollywood Walk of Fame er plassert ved 1750 Vine Street.
Filmografi (utval)
endre- Cover Girl (1944)
- The Great Gatsby (1949)
- A Place in the Sun (1951)
- Saskatchewan (1954)
- I Am a Camera (1955)
- The Night of the Hunter (1955)
- Anne Franks dagbok (1959; Oscar)
- Lolita (1962)
- A Patch of Blue (1965; Oscar)
- The Three Sisters (1966)
- Harper (1966)
- Bloody Mama (1970)
- S.O.S. Poseidon (1972)
- Blume in Love (1973)
- Blekksprut (1977)
- The Magician of Lublin (1979)
- Elvis - The Movie (1979)
- Over the Brooklyn Bridge (1983)
Kjelder
endre- Denne artikkelen bygger på «Shelley Winters» frå Wikipedia på bokmål, den 28. juli 2011.
Bakgrunnsstoff
endre- Shelley Winters ved The Internet Movie Database (IMDb)