Wikipedia

Shirley Bottolfsen

Shirley Isabelle Theresa Bernadette Bottolfsen (12. februar 1934–24. desember 2021) er ein norsk-irsk eldsjel og velgjerar, fødd i Irland og busett i Bodø. Ho har i fleire tiår samla inn pengar og andre nødvendigheiter, i fyrste rekkje til trengande i byen. Bottolfsen er svært kjend i lokalmiljøet, og veldig synleg i bybiletet i Bodø, mykje på grunn av den fargerike joggedressen sin, som er dekka av sponsormerke frå bedriftene i byen. I tida før jul har Bottolfsen tradisjonelt forvalta innsamling av gåver og mat til einsame og trengande i byen, i von om at desse òg kan gleda seg i høgtida.

Shirley Bottolfsen
Statsborgarskap Irland, Noreg
Fødd 12. februar 1934
County Tipperary
Død

24. desember 2021 (87 år)
Bodø

Yrke velgjerar

Familieliv endre

Bottolfsen vart fødd i County Tipperary i Irland, og kjem frå ein katolsk familie. Ho er ein av fem sysken og vaks opp i Irland og England. Bottolfsen flytta til Noreg i 1956, som 21-åring, etter at ho gifta seg med styrmannen Ivar John Larsen, som opphavleg var frå Godøy utanfor Bodø. Larsen omkom i samband med ei fallulykke på eit bulkskip i Rotterdam i desember 1969, og Shirley vart åleine med to barn. I 1983 gifta ho seg på nytt, denne gongen med tannlækjaren Per Bottolfsen.[1] Bottolfsen har budd i det same huset i Bodø sidan 1977. Per Bottolfsen døydde i 2012, og året etter valde ei gruppe friviljuge i byen å pusse opp huset hennar, som takk for den langvarige innsatsen hennar for dei trengande i byen.[2]

Hjelpearbeid endre

Bottolfsen jobbar for Frelsesarmeen og Bodø kommune, i tillegg til at ho altså forvaltar eigne innsamlingsaksjonar.[3] Ho samlar inn pengar, primært ved å ta oppstilling med sin bøsse i Glasshuset i Bodø. Ho held òg eit eige sommarlotteri.[4] I 2005 hadde ho samla inn til saman 7 millionar kroner.[5] Ho har òg vore ein viktig velgjørar for utanbys mottakarar, bl. a. ein barneheim i Litauen.[6] Bottolfsen har òg samla inn fleire hundre tusen kroner til trengande og eldre i Porsanger; noko ho vart heidra av kommunen for i 2009. Pengane gjekk bl. a. til innkjøp av eit nytt kaffiservise for 70 personar og dukar til Porsanger Helsetun.[7] Ho samlar inn og leverer mat til dei trengande i Bodø seks dagar i veka, og gjev julegåver til dei fattige i byen kvar jul.[8] I 2004 skaffa Bottolfsen trygdalarmar til dei eldre i Bodø, og protesterte mot eigenandelen til kommunen på innkjøp av slik alarm. I 2012 samla Bottolfsen inn pengar til ei gruppe sigøynarar for at dei skulle kunna reisa heim til Romania, men følte at dei misbrukte tillita hennar då dei reiste til Oslo i staden.[9]

Utmerkingar endre

Bottolfsen mottok Kongens fortenstemedalje i sølv i 2005 for det frivillige humanitære arbeidet sitt. Det same året laga TV 2 ein dokumentar om ho, kalla Julenissen kommer fra Irland.[10][11][12] I 2014 mottok Bottolfsen ein internasjonal pris frå organisasjonen Lions Club; lokallagsleiaren i Bodø hadde då jobba for at Bottolfsen skulle få denne prisen i over 20 år.[13][14] Ho mottok John I. Alvheims ærespris i 2014.[15] Bottolfsen vart kåra til «Årets ålreite dame» i desember 2015, og mottok dimed Harry Hole-prisen på 1 million kroner som går til eit velgjerande formål.[16]

Referansar endre

  1. ↑ Roy-Arne Salater (18. november 2009). «Engelen fra Bodø». TV 2. Arkivert frå originalen 17. november 2014. 
  2. ↑ Thor Harald Henriksen (28. august 2013). «I alle år har Shirley hjulpet andre - nå får hun hjelp». Verdens Gang. 
  3. ↑ Lise Forfang Hagen (30. mars 2014). «Shirley Bottolfsen fikk internasjonal veldedighetspris». NRK. 
  4. ↑ Roy-Arne Salater (18. november 2009). «Engelen fra Bodø». TV 2. Arkivert frå originalen 17. november 2014. 
  5. ↑ «Alene for de ensomme». Avisa Nordland. 22. november 2005. 
  6. ↑ Roy-Arne Salater (18. november 2009). «Engelen fra Bodø». TV 2. Arkivert frå originalen 17. november 2014. 
  7. ↑ «Shirley Bottolfsen donerte kr 10 000 til Porsanger kommune». Porsanger kommune. 30. mars 2009. 
  8. ↑ «Alene for de ensomme». Avisa Nordland. 22. november 2005. 
  9. ↑ Susanne Lysvold (23. september 2012). «'Spinnvilt og ufint av Bottolfsen'». NRK. 
  10. ↑ «Alene for de ensomme». Avisa Nordland. 22. november 2005. 
  11. ↑ «Julenissen fra Irland». Avisa Nordland. 27. desember 2005. 
  12. ↑ «Slik hyller de Shirley». Bodø Nu. 12. februar 2014. 
  13. ↑ Lise Forfang Hagen (30. mars 2014). «Shirley Bottolfsen fikk internasjonal veldedighetspris». NRK. 
  14. ↑ «Shirley Bottolfsen fikk internasjonal veldedighetspris - Lions Club Bodø Bodin». Lions Norge. 1. april 2014. Arkivert frå originalen 29. november 2014. Henta 26. november 2021. 
  15. ↑ Erik Tørrissen (4. mai 2014). «Shirley Bottolfsen fikk Alvheims ærespris». Fremskrittspartiet. Arkivert frå originalen 29. november 2014. 
  16. ↑ NRK Nordland 2. desember 2015, Shirley (81) er årets ålreite dame. Besøkt 9. desember 2015.
Henta frå «https://nn.wikipedia.org/w/index.php?title=Shirley_Bottolfsen&oldid=3425823»