Sigrid Agnethe Hansen

Sigrid Agnethe Hansen (fødd 14. september 1989) er ein norsk journalist og forfattar.

Sigrid Agnethe Hansen
Statsborgarskap	Noreg
Fødd	14. september 1989 (35 år) Harstad kommune
Yrke	journalist, forfattar, radioprogramleiar
Ektefelle	Sigbjørn Skåden
Sigrid Agnethe Hansen på Commons

Hansen er fødd og oppvakse i Harstad. Ho tok ein bachelor i litteraturvitskap og fransk ved Universitetet i Oslo før ho flytta til Tromsø og tok ein mastergrad i samfunnsplanlegging og kulturforståing i 2014.

Sigrid Agnethe Hansen var nynorskpraktikant på kull 21 (2014-2015) ved Nynorsk mediesenter i Førde. Ho hadde ekstern praksis i NRK Troms, fekk vikariat der og blei fast tilsett i april 2016. Hansen arbeider som programleiar og produsent.

I 2020 debuterte Hansen med ungdomsromanen Ser du dette?.

Hansen er gift med Sigbjørn Skåden.

Bibliografi

• Ser du dette? – ungdomsroman, Samlaget 2020 (nynorsk)
• Du veit ingenting – ungdomsroman, Samlaget 2023 (nynorsk)

Kjelder

• Nynorsk mediesenter: Presentasjon av praktikantar: Sigrid Agnethe Hansen [1]
• Framtid.no: Intervju med Sigrid Agnethe Hansen , 10. mars 2020 [2]