Sigurd Willoch
Sigurd Daniel Isachsen Willoch (fødd 16. mai 1903 i Kristiania, død 20. mars 1991 i Oslo) var ein norsk kunsthistorikar, best kjent som direktør ved Nasjonalgalleriet 1946-1973.
| Sigurd Willoch | |||
.jpg) | |||
| Fødd | 16. mai 1903 Christiania | ||
|---|---|---|---|
| Død | 20. mars 1991 Oslo | ||
| Nasjonalitet | Noreg | ||
| Yrke | kunsthistorikar | ||
| Alma mater | Universitetet i Oslo | ||
| Medlem | Det Norske Videnskaps-Akademi | ||
Han tok magistergrad i kunsthistorie i 1925, med ei avhandling om bestefaren Olaf Isaachsen. Avhandlinga vart utgjeven året etter. Han tok i 1932 doktorgrad på ei avhandling om Thomas Fearnley. Han var kritikar i Aftenposten 1935-1942, i Morgenbladet 1945-1946, skreiv for Kunst og Kultur 1926-1927 og 1937-1938, og var konservator ved Akershus slott 1937-1946.
I tillegg til bøker om Isaachen, August Cappelen, Fearnley, Hugo Lous Mohr og Edvard Munch skreiv han bøker til 100-års jubileet til Oslo Kunstforening i 1936 og jubileet til Nasjonalgalleriet i 1937 og var medarbeidar i Norsk biografisk leksikon 1929-1949. Som leiar av nasjonalgalleriet hadde han ansvar for fleire norske og internasjonale utstillingar, i tillegg til utstillingar av norsk kunst i utlandet.
Han var medlem av Det Norske Videnskaps-Akademi frå 1939. Ei byste av han, utført av Erling Saatvedt i 1973, er eigd av Nasjonalgalleriet.
Kjelder endre
- Denne artikkelen bygger på «Sigurd Willoch» frå Wikipedia på bokmål, den 2. august 2011.