Silvio Piola
Silvio Piola (29. september 1913–4. oktober 1996) var ein italiensk fotballspelar frå Robbio i Pavia-provinsen. Midtspissen Piola vart verdsmeister med Italia i 1938 og er den spelaren med flest mål i Serie A i Italia, i tida 1930-54 skåra han 274 gongar.
.jpg) | |||
| Fødd | 29. september 1913 | ||
|---|---|---|---|
| Fødestad | Robbio | ||
| Død | 4. oktober 1996 | ||
| Dødsstad | Gattinara | ||
Klubbspel
endrePiola spelte fram til 1934 på US Pro Vercelli. Perioden 1934-43 utmerkte han seg i eit Lazio-mannskap og var toppskårar i serien både i 1937 og 1943, men større suksess enn ein andreplass i Serie A i 1935 oppnådde ikkje Roma-laget. Etter den allierte invasjonen i Sør-Italia i 1943 vart ikkje Serie A arrangert dei neste to sesongane. Frå 1945 til -47 var Piola Juventus-spelar, begge desse sesongane enda laget frå Torino på andreplass i serien. Sesongen 1947/48 var han med å spele Novara Calcio opp i Serie A og var fram til 1954 aktiv i den italienske toppserien med laget frå Nord-Italia.
Landslagsspel
endrePiola fekk sin landslagsdebut våren 1935. Under Fotball-VM 1938 skåra han i alt fem mål då Italia forsvarte VM-tittelen frå 1934. To av måla skåra han i finalen mot Ungarn, ein kamp som enda 4-2. Fram til 1940 spelte han 29 landskampar og skåra 27 mål. Sidan fekk han berre enkeltkampar i landslagsdrakta, den siste så seint som i 1952. Han stoppa på 34 kampar og 30 mål for landslaget.
Merittar
endre- Verdsmeister: 1938 for Italia
- Andreplass i Serie A: 1935 med Lazio, 1946 og 1947 med Juventus
Piola døydde i Gattinara i Vercelli.
Kjelder
endre- Denne artikkelen bygger på «Silvio Piola» frå Wikipedia på engelsk, den 19. juni 2018.