Sjørose

Sjøroser eller sjøanemonar (Actiniaria) er ein orden koralldyr som er utan skjelett. Dei er vanlegvis relativt store, festa til stein og fjell med ein fot, og sidan dei har ei mengd fangarmar eller tentaklar, kan dyra sjå ut som fargerike blomar. I alle hav finst det slike dyr.

Sjørose
Systematikk
Rike:	Dyr Animalia
Underrike:	Eumetazoa
Rekkje:	Nesledyr Cnidaria
Klasse:	Koralldyr Anthozoa
Underklasse:	Sekstalkorallar Hexacorallia
Orden:	Sjørose Actiniaria

Snitt gjennom ei sjørose (sjøanemone): 1: Hole tentakler eller fangarmar; 2: strupe; 13: Munnopning; 14: Munnskive.

Sjørosene (sjøanemonene) lever av å fange smådyr ved hjelp av lammande nesleceller på fangarmane og føre byttedyra til ei munnopning mellom armane.

Sjøroser i Noreg

Fleire artar er å sjå på grunt vatn langs norskekysten, ofte i straumharde strok. Arten hestesjørose eller hesteaktinie, òg kalla svabergsjørose, styggmannsblod, er ei raud sjørose som finst langs Mørekysten. Purpurraud eller grøn sjørose, Actinia equina, om lag ti cm høy, er vanleg på stein og fjell i fjøra frå Stavanger og nordetter.

Bilete

• 
  Anthothoe albocincta
• 
  Actinoscyphia aurelia
• 
  Cryptodendrum adhaesivum
• 
  Thalassianthus aster
• 
  Nemanthus annamensis
• 
  Peachia quinquecapitata

Bakgrunnsstoff

Commons har multimedium som gjeld: Sjørose