Sjur T. Næss

Sjur T. Næss
	Sjur T. Næss
	;
Fødd	21. september 1852
Død	15. januar 1938 (85 år)
Statsborgar av	Noreg
Yrke	bonde, politikar
Alle verv	stortingsrepresentant (1900–1903); stortingsrepresentant (1906–1909); stortingsrepresentant (1910–1912); stortingsrepresentant (1913–1915); stortingsrepresentant (1916–1918); stortingsrepresentant (1919–1921) ;

Sjur Torleifsson Næss (21. september 1852–15. januar 1938) var ein norsk handelsmann og gardbrukar frå Nes i Luster.

Far hans var gardbrukar på Nes. Sjølv tok han eksamen til underoffiser i Bergen i 1873, og var underoffiser fram til 1883. Åra 1877 til -93 var han handelsmann på Dalsøyra i Luster. Han overtok farsgarden i 1893 og dreiv han sidan. Næss var medlem av heradsstyret i Luster 1882-1925, ordførar 1898-1901 og 1904-10. Han var formann i skulestyret i fem år og forlikskommissær 1897-1915. Perioden 1904-12 representerte han Luster i fylkesskulestyret.

Næss representerte 1900-03 Nordre Bergenhus amt på Stortinget og 1906-21 var han stortingsrepresentant for einmannskrinsen Indre Sogn. I alle periodane representerte han Venstre. Han var medlem 1900-03 av militærkomiteen og 1906-09 konstitusjonskomiteen. Tida 1910-21 var han medlem i landbrukskomiteen, sekretær 1913-15 og nestformann 1916-21. Elles var han medlem av Lagtinget frå 1906 og av valkomiteen 1913-21.

Kjelder

Lindstøl, Tallak: Stortinget og Statsraadet 1814-1914. Kristiania, 1914
Biografisk informasjon om Sjur T. Næss NSD Norsk senter for forskningsdatas politikararkiv