Skogsøya

Skogsøya er ei øy i Øksnes kommune i Nordland. Skogsøya er den største av øyane i Øksnes Vestbygd, med eit areal på 32,5 km². Det høgaste punktet på øya er Stigkollen på 707 moh. Øya hadde 26 innbyggjarar i 2017.

Skogsøya
Geografi
Stad	Nord-Noreg
Koordinatar	68°54′32″N 14°56′03″E
Øygruppe	Vesterålen
Areal	32,5 km²
Høgaste punkt	Stigkollen (707 moh.)
Administrasjon
Land	Noreg
Fylke	Nordland
Demografi
Folketal	26 (2017)
Folketettleik	1,3 /km²

Skogsøya var tidlegare sentrum i Øksnes kommune. Stadne Øksnes ligg på Skogsøya, og øya hadde på 1930-talet mellom 400 og 700 fastbuande. Då meir og meir kommunikasjon byrja å gå på landevegen framfor med båt, flytta administrasjonen over til Myre. Da kommunane Øksnes og Langenes vart slått saman igjen i 1964, heldt storkommunen namnet Øksnes etter kyrkjestaden på Skogsøya.

Sør på Skogsøya går det om lag 6 km kommunal veg mellom Hjellsand og Øksnes. Frå Øksnes er det hurtigbåtsamband til Myre, Smines og Skjellfjord på Langøya.

12. november 1988 stranda den utrangerte russiske jagaren «Boiky» på grunt vatn utanfor Hjellsand på Skogsøya medan det var under slep frå Murmansk til Spania for opphogging. Vraket låg lenge delvis synleg utanfor øya, og vart ein lokal turistattraksjon. Men vraket vart endeleg hogt opp og fjerna i 2001.

Forfattaren Herbjørg Wassmo vart fødd og voks opp på Skogsøya. Salmediktar Magnus Brostrup Landstad har òg budd på øya.

25. januar 1893 omkom 26 fiskarar frå Skogsøya i ein storm. Over 100 andre fiskarar omkom i uvêret elles i Vesterålen og Lofoten same dag.

Sjå òg

• Øksnes kyrkje

Bakgrunnsstoff

• Vesterålen Regionråds side om Skogsøya
• Side om Våge på Skogsøya
• Side om Sørsand på Skogsøya
• Statens Forurensningstilsyn om fjerninga av "Boiky" Arkivert 2005-10-29 ved Wayback Machine.

Kjelder

• Denne artikkelen bygger på «Skogsøya» frå Wikipedia på bokmål, den 8. april 2008.