Klokkelyngslekta
Klokkelyngslekta (Erica, av gresk 'oppreist') er ei planteslekt i lyngfamilien. Ho omfattar eviggrøne buskar eller tre, oftast dvergbuskar med nåleforma, kransstilde blad og nikkande, klokkeforma 4-tals blomar. Krona er raud, gul eller kvit, og blir sitjande på etter blomstringa.[1]
| Klokkelyngslekta | |
| |
| Systematikk | |
| Rike: | Planteriket Plantae |
| Infrarike: | Streptophyta |
| Overrekkje: | Landplantar Embryophytes |
| Rekkje: | Karplantar Tracheophytes |
| Underrekkje: | Frøplantar Spermatophytes |
| Orden: | Lyngordenen Ericales |
| Familie: | Lyngfamilien Ericaceae |
| Slekt: | Klokkelyngslekta Erica L., 1753 |
Slekta omfattar rundt 600 artar, der rundt 550 av dei veks i Kapplandet i Sør-Afrika og 16 i Europa. Lyngtre veks mellom anna i middelhavslanda og på Kanariøyane.[1]
Nokre artar blir brukt som prydplante, som vårlyng (E. carnea), frynselyng (E. ciliaris) og jule- eller haustlyng (E. gracilis).[1]
I Noreg veks to artar. Desse plantane er opprett lyng med dunhåra kvister, kransstilte nålforma blad og blomsterklasar i toppen. Dei har mørke begerflikar og poseforma krone.
Norske artar i klokkelyngslekta
endre- Klokkelyng (Erica tetralix)
- Purpurlyng (Erica cinerea)
Kjelder
endre- ↑ 1,0 1,1 1,2 «Erica» i Store norske leksikon, snl.no.
- Johannes Lid: Norsk-svensk-finsk flora. Det Norske Samlaget, 1985.
- Svensk Wikipedia.