Soini Nikkinen

Soini Mikael Nikkinen (19. juli 1923–2. juni 2012) var ein finsk spjutkastar frå Kiuruvesi. Han vann bronsemedaljen i spjutkasting under Friidretts-EM 1954 i Bern.

Soini Nikkinen
Statsborgarskap	Finland
Fødd	19. juli 1923 Kiuruvesi
Død	2. juni 2012 (88 år) Nastola
Idrett	friidrett
Tok del i	Sommar-OL 1952, Sommar-OL 1948

Aktiv

Nikkinen deltok i Sommar-OL 1948 og Sommar-OL 1952, enda på høvesvis tolvte- og åttandeplass. Perioden 1951-56 var han kvart einaste år mellom dei tre beste spjutkastarane på verdsstatistikken. Han vart finsk meister i 1952 og kom på tredjeplass i europameisterskapen 1954. I 1955 sette han landsrekord med eit kast på 79,64 meter. Den 24. juni 1956 sette han verdsrekord med eit kast på 83,66 meter i Kuhmoinen. Allereie ti dagar seinare vart rekorden forbetra med 10 cm av polske Janusz Sidło. Nikkinen fekk ikkje delta i Melbourne-OL grunna misnøye med oppførselen hans i samband med ein landskamp i Hamburg..

Medaljar og plasseringar i internasjonale meisterskap

• OL 1948 i London: Nr 12 – 58,05 m
• OL 1952 i Helsinki: Nr 8 – 68,80 m
• EM 1954 i Bern: Bronsemedalje – 73,38 m