Solarkonstanten

Solarkonstanten er eit mål for den strålingsenergien som ei flate orientert vinkelrett på retninga til solstrålene mottar per flate- og tidseining, i ein avstand på èi astronomisk eining (AU) (omtrent avstanden frå sola til jorda). Solarkonstanten omfattar alle typar solstråling, ikkje berre synleg lys. Solarkonstanten minkar med kvadratet av avstanden frå sola. Ved jorda har satellittar målt solarkonstanten til å vere kring 1361 W/m² (watt per kvadratmeter) når jorda er lengst borte frå sola, og kring 1362 W/m² når jorda er nærast sola (ein skilnad på 0.1 %).^[1]

Vinkeldiameteren til jorda sett frå sola er kring 1/11 700 radianar (eller 18 bogesekund), som tyder at romvinkelen til jorda sett frå sola er kring 1/175 000 000 av ein steradian. Sola stråler derfor ut kring 2,2 milliardar gonger meir stråling enn det jorda fangar, eller kring 3,86×10²⁶ watt.^[2]

Sjå òg

Kjelder

Denne artikkelen bygger på «Solar constant» frå Wikipedia på engelsk, den 10. juli 2016.
- Wikipedia på engelsk oppgav desse kjeldene:

[KoppLean11-1] :10.1029/2010GL045777

[2] The Sun at nine planets.org

[1]

[2]