Sparre Olsen
Carl Gustav Sparre Olsen (25. april 1903–8. november 1984) var ein norsk fiolinist og komponist.
| Sparre Olsen | |
| Statsborgarskap | Noreg |
| Fødd | 25. april 1903 Stavanger kommune |
| Død |
8. november 1984 (81 år) |
| Yrke | dirigent, komponist, akademisk musiker |
Bakgrunn og arbeid
endreDen første musikkundervisinga si fekk han av Herman van der Vegt i Oslo. Deretter studerte han med Fartein Valen frå 1926 til 1930, då han reiste til Berlin og studerte med Max Buttin ved musikkhøgskulen der. I 1936 var han i London og studerte med Percy Grainger.
I seks år frå 1934 underviste Sparre Olsen ved Musikk-konservatoriet i Bergen. I denne tida dirigerte han òg Bergens arbeiderforenings sangforening. Før dette hadde han òg røynsle som orkestermusikar. Han var òg musikkritiker i Bergens Tidende frå 1939 til 1940. Sparre Olsen mottok Statens kunstarløn frå 1936 og vart Riddar av St. Olavs orden i 1968.
Sparre Olsen har eit særprega tonespråk som avspeglar kjærleik til norsk natur, men òg religiøse lengsler og kjensler. Han har spesielt hatt tyding for norsk korsong, i det han komponerte svært mange vokalverk for kor til tekster av blant anna Olav Aukrust,Jan-Magnus Bruheim, Tor Jonsson, Inge Krokann og Tore Ørjasæter.
Sparre Olsen-konkurransen
endreGjøvik kunst- og kulturskule arrangerer ein landdekkande musikk-konkurranse for barn og unge inntil 19 år. Det vert delt ut ein første pris i kvar av dei fire aldersbestemte klassene, pluss ein ærespris til den deltakaren som uansett klasse gjev den beste heilskaplege og kunstnariske tolking av programmet sitt. Programmet skal bestå av eit verk av Sparre Olsen eller ein annan nyare norsk komponist, ein sats frå eit syklisk verk (sonate, konsert) og eit sjølvvalt stykke.
Kjelder
endre- Denne artikkelen bygger på «Sparre Olsen» frå Wikipedia på bokmål, den 19. april 2016.
Bakgrunnsstoff
endre- Sparre Olsen i Norsk biografisk leksikon
- Biografi og komposisjonar hos Musikkhuset Arkivert 2011-07-24 ved Wayback Machine.
- Omtale ved 100 årsminnet
- Brev til Sparre Olsen Arkivert 2012-09-11 ved Wayback Machine. ved NTNU Universitetsbiblioteket, Gunnerusbiblioteket