Stafford

Stafford er administrasjonssentret i grevskapet Staffordshire i England. Byen ligg mellom Wolverhampton og Stoke-on-Trent, og er òg administrasjonssenter for distriktet Stafford.

Stafford
Sentrum i Stafford Sentrum i Stafford
Plassering
Styresmakter
Land	Storbritannia
Konstituerande land	England
Grevskap	Staffordshire
Distrikt	Stafford
Grunnlagd	ca. 700
Geografi
Innbyggjarar  - By (2007)	65 965
Koordinatar	52°48′N 2°7′W
Diverse annan informasjon
Postnummer	ST16, ST17
Telefon-retningsnummer	01785
Commons har multimedium som gjeld: Stafford

Historie

Namnet Stafford viser til ein vadestad (ford) ved ein landsettingsstad (staithe). Staden var det einaste der ein større hærstyrke kunne krysse elva Trent, og var difor strategisk viktig for regionen. Den første busetjinga låg på ei øy midt i elva Sow, som er ei sideelv til Trent. Elva danna der eit myrlandskap, og det er enno eit større myrområde der.

I 913 vart Stafford befesta av Ethelfleda, som var dotter av Alfred den store. Byen vart dermed den nye hovudstaden i Mercia. Ethelfleda styrte riket frå Stafford i fem år som dronning av Mercia etter far hennar og ektemannen døydde. Det var omtrent på denne tida at grevskapet Staffordshire vart oppretta.

Stafford Castle vart bygd av normannarane i 1070, på ei høgd rett utanfor byen. Det vart først reist i tømmer, og deretter ombygd i stein. Det har òg vorte bygd om to gonger seinare. Det einaste som er att er ruinar frå 1800-talet som står på jordvollane. Vollane er store, og vitnar om ei imponerande festning då ho var på høgdepunktet sitt. Ruinane er flaumopplyste, og kan sjåast frå M6 og West Coast Main Line.

Den eldste bevarte bygningen er St. Chads kyrkje.

Kjelder

• Denne artikkelen bygger på «Stafford (England)» frå Wikipedia på bokmål, den 12. juli 2011.