Stefan Löfven

Kjell Stefan Löfven (fødd 21. juli 1957 i Hägersten i Stockholm) er ein svensk politikar og tidlegare partileiar for Socialdemokraterna. Han var statsminister i Sverige frå 3. oktober 2014 til 4. november 2021. Han tok over statsministerposten etter Fredrik Reinfeldt frå Moderata Samlingspartiet. Löfven leia ei regjering som bestod av 18 statsrådar frå Socialdemokraterna og 6 frå Miljöpartiet.

Stefan Löfven
Statsborgarskap	Sverige
Fødd	21. juli 1957 (67 år) Hägerstens församling
Yrke	politikar, sveisar, fagforeiningsleiar
Språk	svensk, engelsk
Løn	176 000 svensk krona
Verv	Statsminister i Sverige
Periode	2014-2021
Føregangar	Fredrik Reinfeldt
Etterfylgjar	Magdalena Andersson
Politisk parti	Sveriges socialdemokratiska arbetareparti
Religion	Den evangelisk-lutherske kyrkja
Far	Karl Hedberg
Ektefelle	Ulla Löfven
Stefan Löfven på Commons

Stefan Löfven vaks opp i ein adoptivfamilie i Sollefteå kommun i Norrland. Han vart send dit ti månader gammal av di mor hans ikkje hadde råd til å oppdra begge borna sine. Löfven er den fyrste svenske statsministeren i moderne tid som ikkje har erfaring frå Riksdagen. Han er utdanna sveisar, og arbeidde som dette i ei forsvarsbedrift i Örnsköldsvik 1979-1995. I 1981 vart han tillitsvald for fyrste gong. Frå 1995 vart han tilknytt Svensk LO som tillitsvald i Metallindustriarbetareförbundet, blei nestleiar i 2001 og forbundsleiar frå 2005-2012.

Han vart vald til partileiar i Socialdemokraterna i 2012 etter at Håkan Juholt trekte seg etter mykje kritikk.

Kjelder

«Stefan_Löfven» i Store norske leksikon, snl.no., skrive av Garvik, Olav og Askheim, Svein. Fri artikkel, vitja 03.10.14.

Fotnotar