Storsil

Storsil (Hyperoplus lanceolatus) eller blåsil er ein fiskeart i silfamilien. Han er den største silarten. Fisken kan bli opptil 40 centimeter lang, men meir vanleg storleik er på rundt 20 centimeter. Han lever i Nord-Atlanteren.

Storsil
Storsil
Status
Status i verda: Livskraftig Status i Noreg: Livskraftig
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Actinopteri
Orden:	Piggfinnefiskar Perciformes
Familie:	Silfamilien Ammodytidae
Slekt:	Hyperoplus
Art:	Storsil H. lanceolatus
Vitskapleg namn
Hyperoplus lanceolatus Lesauvage, 1824

Storsilen likner ei større utgåve av småsil, med skjel som ligg i folder i huda, men munnen er ikkje framskytbar som hjå småsil. Han skil seg òg frå småsil ved at han har to tenner i ganetaket, og på at han har skjel over heile kroppen.

Storsil lever vanlegvis i strandsonen ned til 30 meters djupne der han lever av dyreplankton og fiskelarvar. Til skilnade frå mange andre silartar (småsil, havsil) gyt storsilen om sommaren (april–august). Maksimal levealder er 5 år.

Kjelder

• Vøllestad, Asbjørn. «storsil». Store norske leksikon. Henta 9. juni 2022.