Svartryggspett
Svartryggspett (Picoides arcticus) er ein mellomstor hakkespett som lever i skogar i Nord-Amerika.
| Svartryggspett | |
 Svartryggspetthann | |
 Svartryggspetthoe | |
| Utbreiing og status | |
Status i verda:  Livskraftig Utbreiinga av Svartryggspett | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Spettefuglar Piciformes |
| Familie: | Spettefamilien Picidae |
| Slekt: | Picoides |
| Art: | Svartryggspett P. arcticus |
| Vitskapleg namn | |
| Picoides arcticus | |
Skildring
endreFuglen blir kring 23 cm lang. Fjørdrakten på vaksne dyr er svart på hovudet, ryggen, vengene og enden. Dei er kvite frå strupa til magen, medan sidene er svarte med kvite striper. Stjerten er svart med kvite ytterfjører. Svartryggspett har ein viss kjønnsdimorfisme i fjørdrakten, der vaksne hannar har ei gul hette.
Til skilnad frå alle andre hakkespettar, bortsett frå granspett og tretåspett, har svartryggspett tre tær på kvar fot.
Leveområde og levevis
endreSvartryggspettar hekkar i taigaskog i Canada, Alaska, Nordvest-USA og nordlege Wisconsin,[1] Minnesota,[2] og Den øvre Michigan-halvøya.[3] Arten er ein spesialist på brende skogsområde, der han et biller som lever på nyleg brende tre.[4] Dei viktigaste billeslaga for spetten er biller frå familiane Cerambycidae og Buprestidae, slekta Ips og Dendroctonus ponderosae. Dei finn det meste av føda ved hjelp av hakking i tre, men kan også plukka henne av greiner.
Fuglane lagar reir i april og mai. Kvart år hakkar dei ut eit nytt reir ii eit dødt tre. Gamle reir kan brukast til reir av andre fuglar. Svartryggspetthoa legg tre eller fire egg. Foreldra byttar på å ruga på egga, men hannen rugar alltid om natta. Begge foreldra mater ungane, som blir flygedyktige i løpet av rundt 24 dagar.
Lætet til fuglen er eit enkelt, skarpt «pik». Det har lågare tone enn lætet til granspett.
Kjelder
endre- ↑ ebird. «eBird Range Map--Black-backed Woodpecker». ebird.org (på engelsk). Henta 10. juli 2017.
- ↑ «Minnesota Breeding Bird Map List: Minnesota DNR». www.dnr.state.mn.us (på engelsk). Henta 10. juli 2017.
- ↑ «TaxonomicListing». www.mibirdatlas.org (på engelsk). Henta 10. juli 2017.
- ↑ Woodpecker knows
- Denne artikkelen bygger på «Black-backed woodpecker» frå Wikipedia på engelsk, den 11. april 2018.
- Wikipedia på engelsk oppgav desse kjeldene:
- Dixon, Rita D., and Victoria A. Saab. (2000). Black-backed woodpecker (Picoides arcticus), The Birds of North America Online (A. Poole, Ed.). Ithaca: Cornell Lab of Ornithology; frå Birds of North America Online
- National Geographic's Field Guide to the Birds of North America, 3. utg., om tonen til lætet
Bakgrunnsstoff
endre
- Black-backed woodpecker - Picoides arcticus - USGS Patuxent Bird Identification InfoCenter
- Black-backed Woodpecker Species Account - Cornell Lab of Ornithology