Sveinung Jensson Vævestad
Sveinung Jensson Vævestad (6. april 1849–21. juni 1898) var ein norsk gardbrukar og stortingsmann frå Gjerstad i Aust-Agder. Han representerte Venstre.
| Sveinung Jensson Vævestad | |
| Fødd | 6. april 1849 |
|---|---|
| Død | 21. juni 1898 (49 år) |
| Statsborgar av | Noreg |
| Parti | Venstre |
| Yrke | politikar, bonde |
Vævestad var son til ein gardbrukar og tok i 1883 over farsgarden Vevstad. Han var dessutan heradskasserar i Gjerstad 1893-97. Tida 1882-97 var han medlem av heradsstyret. Han var elles åstadskommissær og hadde mange tillitsverv, både offentleg og sivilt.
Vævestad var vald til 4. representant frå Nedenes amt til Stortinget 1898-1900. Han møtte på tinget 1898-sesjonen. Der han var medlem av Lagtinget og sosialkomiteen. Same sommaren døydde han heime på garden sin i Gjerstad.
KjelderEndra
- Lindstøl, Tallak:Stortinget og Statsraadet 1814-1914. Kristiania, 1914