Sven Martin Skagestad
Sven Martin Nilssen Skagestad (fødd 13. januar 1995) er ein norsk friidrettsutøvar frå Bergen. Han vart norsk meister i kulestøyting i 2015 og 2016 og i diskoskasting i 2015, 2016 og 2017. Skagestad er medlem i Norna-Salhus.
| Sven Martin Skagestad | |
|
| |
| Statsborgarskap | Noreg |
| Fødd | 13. januar 1995 (29 år) Bergen |
| Idrett | friidrett, kulestøyt, Diskos |
| Tok del i | Friidrett under Sommar-OL 2016 |
Aktiv
endreSkagestad kom på bronseplass i diskos-øvinga ved Junior-VM i friidrett 2014. Under noregsmeisterskapen 2104 tok han sølvmedaljen i kulestøyt så vel som diskoskast. Året etter vart han norsk dobbelmeister då meisterskapen fann stad i Haugesund.
I 2016-sesongen var Skagestad på sitt aller beste. Den 15. mai sette han personbeste i diskos med 65,20 meter i Wiesbaden. Siste dagen juli støytte han kula 18,18 meter under noregsmeisterskapen på Askøy, personleg rekord i kulestøyt og NM-gull nummer 2 i øvinga. Han forsvarte også NM-tittelen i diskoskast.
År 2017 vann sitt tredje NM-gull i diskoskast. I 2018 kasta han 9 centimeter for kort til å ta sitt fjerde strake diskosgull. Han vart då slått av Ola Stunes Isene, som også i 2019 og 2020 viste Skagestad til sølvplass i diskoskasting i NM.
I noregsmeisterskapane 2014-20 henta Skagestad til saman 5 gull, 7 sølv og 1 bronsemedalje.