Svenn Ingebretsson Mossige
Svenn Ingebretsson Mossige (7. september 1780–18. september 1835) var ein norsk gardbrukar og stortingsmann frå Time i Rogaland. Han var far til Ingebret Svennsson Mossige.
| Svenn Ingebretsson Mossige | |
| Statsborgarskap | Noreg |
| Fødd | 7. september 1780 Time kommune |
| Død |
18. september 1835 (55 år) |
| Yrke | bonde, politikar |
| Språk | norsk |
Mossige tok over farsgarden og dreiv denne. Han var elles smed og gullsmed. I mange år var han forlikskommissær og valmann frå 1814 til -32. Han møtte på på Stortinget i 1818 og i 1830. I 1818 var han medlem av sju komitear, mellom anna budsjettkomiteen og om forlikslova.
Mossige var mellom dei som kom tidleg med i den haugianske rørsla, han praktiserte eit aktivt kristenliv heile si levetid. Han stifta eit lag for ungdom, som møttest om søndagane og der dei forbetra sine evner og kunnskapar i skriving og rekning.
Tildelt borgardådsmedaljen i sølv.
Han døydde på garden sin i Time i 1835.
Kjelder
endre- Lindstøl, Tallak (1914). «Mossige, Svend Ingebretsen». Stortinget og statsraadet: 1814-1914. B. 1 D. 2 : Biografier L-Ø : samt tillæg. Kristiania: [Steen'ske bogtrykkeri]. s. 607.
- Biografisk informasjon om Svenn Ingebretsson Mossige NSD Norsk senter for forskningsdatas politikararkiv