Sverre Anker Ousdal

Sverre Anker Ousdal (fødd 18. juli 1944 i Flekkefjord) er ein norsk skodespelar. Han er ein markant filmskodespelar med ei rekke hovudroller i norsk og svensk film.

Sverre Anker Ousdal
Statsborgarskap	Noreg
Fødd	18. juli 1944 (80 år) Flekkefjord kommune
Yrke	skodespelar, fjernsynsskodespelar
Språk	norsk
Partnar	Kjersti Holmen
Sverre Anker Ousdal på Commons

Han debuterte i 1965 på Den Nationale Scene. Ousdal var ved Oslo Nye Teater 1967-1970, og ved Nationaltheatret frå 1970.

Ousdal hadde store roller i TV-seriene Grenseland (1980), The Last Place on Earth (1985), Blodsbånd (1998).

Utmerkingar

Ousdal har vunne Amandaprisen i klassen beste mannlege hovudrolle to gonger. Fyrste gongen i 1990 for hovudrolla i Fjernsynsteatrets Kreditorer, andre gongen i 1998 for hovudrolla i Blodsbånd.

I 2009 vann han òg Amandaprisen sin heiderspris saman med Helge Jordal og Kjersti Holmen.

Ousdal blei i 1997 utnemnd til riddar av 1.klasse av St. Olavs orden for sin innsats i norsk scenekunst.