Tösstal
Tössdalen eller Tösstal er ein dal og ein region i kantonen Zürich i Sveits.
Dalen utgjer delar av Zürcher Oberland inkludert distrikta Hinwil, Pfäffikon og Winterthur, i tillegg til delar av Zürcher Unterland (nedre Tössdalen).
Vanlegvis er Tösstal namnet på den øvre Tössdalen, altså den smale delen søraust for byen Winterthur. Elva Töss spring ut ved Tössstock (1154 moh) og renn gjennom dalen med kommunane og landsbyane Steg, Lipperschwändi og Wellenau (landsbyar i Fischenthal), Bauma, Juckern, Blitterswil, Saland, Tablat, Wila, Turbenthal, Zell, Rikon, Kollbrunn og Sennhof nær Winterthur. Tösstal er eit populært fritidsområde.
Nedre Tössdalen er den mykje breiare og flatare delen vest for Winterthur; og utgjer delar av Winterthur kalla Töss og Wülflingen, kommunane Neftenbach, Pfungen, Dättlikon, Embrach, Rorbas, Freienstein og Teufen der elva Töss munnar ut i Rhinen ved Tössegg.
Kjelder endre
- Denne artikkelen bygger på «Töss Valley» frå Wikipedia på engelsk, den 8. mars 2012.
- Wikipedia på engelsk oppgav desse kjeldene:
- Hans Bernhard: Wirtschafts- und Siedelungsgeographie des Tösstales. In: Jahresberichte der Geographisch-Ethnographischen Gesellschaft in Zürich, Vol. 11, 1910-1911 (Digitalisat Arkivert 2012-02-14 ved Wayback Machine.)
- Kurt Hutter et al.: Das Tösstal. Birkenhalde Verlag, 2007. ISBN 9783905172492