Tønne Huitfeldt (1925–2007)

Tønne Huitfeldt (fødd 6. april 1925 i Oslo, daud 17. mars 2007) var ein norsk offiser (generalløytnant) i Hæren. Han hadde ei rekkje sentrale leiarposisjonar i Forsvaret og i NATO.

Tønne Huitfeldt
Fødd	6. april 1925
Død	17. mars 2007 (81 år)
Rang	general

Andre verdskrigen

Under andre verdskrigen kom Huitfeldt seg over til Storbritannia via Sveits. Han tenestegjorde i den norske brigaden i Skottland og vart i 1942, berre 17 år gammal, oppteken ved den norske Krigsskolen i London. I 1944 vart han beordra til teneste i 2. bergkompani, der han var troppssjef, og deltok med dette i frigjeringa av Finnmark.

Militær karriere i Noreg og NATO

Etter krigen heldt Huitfeldt fram i Forsvaret og fekk etter kvart sentrale leiaroppgåver.

Huitfeldt var i Tysklandsbrigaden frå 1948 til 1949. 1954–1955 tok han vidare militær utdanning ved U.S. Army Command and General Staff College. Etter Suezkrisa i 1956 var han sjef for det norske geværkompaniet i SN-styrken i Gaza. Huitfeldt vart i 1960 utnemnd til sjef for Garnisonen i Sør-Varanger. Han var deretter i generalstaben før han i 1964 vart sjef for Krigsskolen. I 1970 studerte han ved Royal College of Defence Studies i Storbritannia.

Huitfeldt vart utnemnd til generalløytnant i 1977. Frå 1977 til 1981 øvstkommanderande i Nord-Noreg. Deretter fekk han ei sentral stilling i Brussel som direktør for NATOs internasjonale militære stab. Huitfeldt sat i denne stillinga frå 1981 til 1985.

Frå 1984 til 1996 var Huitfeldt redaktør for Norsk Militært Tidsskrift. Han var ein aktiv deltakar i den offentlege debatten om forvarsspørsmål.

Utmerkingar

Huitfeldt var tildelt ei rekkje utmerkingar. For innsatsen under andre verdskrigen mottok han Deltagermedaljen og Haakon VIIs 70-årsmedalje, og dessutan dei britiske utmerkingane France and Germany Star og Defence Medal. For tenesta i UNEF I mottok han SNs ekspedisjonskorpsmedalje. Huitfeldt var Kommandør av St. Olavs Orden, kommandør av den belgiske Leopold IIs orden, av Republikken Italias fortenstorden og av Jugoslavias stjerneorden.

Kjelder

• Denne artikkelen bygger på «Tønne Huitfeldt (1925–2007)» frå Wikipedia på bokmål, den 15. juni 2018.
  • Wikipedia på bokmål oppgav desse kjeldene:
• Arnesen, Finn (1932-) (1990). Fra Rudolf Muus til Margit Sandemo: 75 års folkelesning fra Bladkompaniet A.S ; [bilderedaksjon ved forfatteren]. [Oslo]: Bladkompaniet. s. 83. ISBN 8250924762.