Thank You Girl
| Thank You Girl av The Beatles | ||
| A-side | ||
|---|---|---|
| Språk | engelsk | |
| Utgjeve | 11. april 1963 (UK) 27. mai 1963 (US)[1] | |
| Innspelt | 5. og 13. mars 1963 EMI Studios, London | |
| Sjanger | Merseybeat | |
| Lengd | 2:01 | |
| Selskap | Parlophone R 5015 (UK) Vee-Jay 522 (US) | |
| Komponist | John Lennon, Paul McCartney | |
| Tekstforfattar | John Lennon, Paul McCartney | |
| Låtskrivar(ar) | McCartney–Lennon | |
| Produsent | George Martin | |
| The Beatles-kronologi | ||
| «Please Please Me» (1963) |
Thank You Girl | «She Loves You» (1963)
|
«Thank You Girl» er ein song av The Beatles, skriven av John Lennon og Paul McCartney (Lennon–McCartney), og gjeven ut som B-side til singelen «From Me to You», som vart spelt inn same dagen (5. mars 1963). Songen kom ikkje ut på eit album i Storbritannia før Rarities i 1978, men kom ut som det andre sporet på The Beatles' Second Album i USA. Som B-side til singelen «Do You Want to Know a Secret», nådde han 35. plassen på Billboard Hot 100 våren 1964.
Bakgrunn
endreSongen heitte opphavleg «Thank You, Little Girl»,[2] og var skriven av Lennon og McCartney som ei hyllest til dei mange kvinnelege tilhengjarane til bandet. McCartney sa «Me visste at om me skreiv ein song kalla 'Thank You Girl', så ville mange av jentene som skreiv brev til oss ta det som eit genuint 'takk'. Så mange av songane våre var retta direkte mot fansen.»[3]
Lennon sa at songen opphavleg var meint som ein singel «'Thank You Girl' var eit av forsøka våre på å skrive ein singel som ikkje fungerte. Så han vart ei B-side eller eit albumspor.»[4]
Innspeling
endreSongen vart innspelt på 13 forsøk, det same talet på forsøk dei trengde for å gjere ferdig «From Me To You» den 5. mars 1963. Innspelinga er òg kjend for at det var første gongen to Lennon–McCartney-songar vart spelte inn, men først gjevne ut mykje seinare: «One After 909» (seinare spelt inn på ny for Let It Be) og «What Goes On» (seinare spelt inn på ny for Rubber Soul, tilskriven som Lennon–McCartney/Starkey sidan Ringo bidrog med litt tekst). Sjølv om begge songane vart innøvd, vart berre «One After 909» spelt inn.
John Lennon overdubba munnspelelet utan dei andre Beatles-medlemmane åtte dagar seinare. Fleire kjelder skriv at Lennon var kraftig forkjølt og trong fleire forsøk på å få eit bra nok resultat.
Stereomiksen av songen (som finst på The Beatles' Second Album) er høyrbart forskjellig frå den originale monomiksen i mellomspelet. Ein kan mellom anna høyre eit par ekstra munnspellinjer.
Medverkande
endre- John Lennon – double-tracked vocal, rytmegitar, munnspel
- Paul McCartney – harmony vocal, bassgitar
- George Harrison – sologitar
- Ringo Starr – trommer
- Personell per Ian MacDonald[5]
Andre versjonar
endreSongen vart spelt inn av The Smithereens i 2008 på albumet deira B-Sides The Beatles.[6]
Kjelder
endre- Denne artikkelen bygger på «Thank You Girl» frå Wikipedia på engelsk, den 11. mars 2018.
- Wikipedia på engelsk oppgav desse kjeldene:
- ↑ Wallgren 1982, s. 17.
- ↑ Lewisohn 1988, s. 28.
- ↑ The Beatles Interview Database 2007.
- ↑ Sheff 2000, s. 169.
- ↑ MacDonald 2005, s. 80.
- ↑ Deming, Mark. Thank You Girl på Allmusic. Henta 27. desember 2016.
- Brennan, Joseph (17. mai 2000). «The Usenet Guide to Beatles Recording Variations: 1963».
- Lewisohn, Mark (1988). The Beatles Recording Sessions. New York: Harmony Books. ISBN 0-517-57066-1.
- MacDonald, Ian (2005). Revolution in the Head: The Beatles' Records and the Sixties (Second Revised utg.). London: Pimlico (Rand). ISBN 1-84413-828-3.
- Sheff, David (2000). All We Are Saying: The Last Major Interview with John Lennon and Yoko Ono. New York: St. Martin's Press. ISBN 0-312-25464-4.
- «Thank You Girl». The Beatles Interview Database. 2007. Henta 19. desember 2007.
- Wallgren, Mark (1982). The Beatles on Record. New York: Simon & Schuster. ISBN 0-671-45682-2.
- MacDonald, Ian (1998). Revolution in the Head: The Beatles' Records and the Sixties. London: Pimlico (Rand). ISBN 0-7126-6697-4.