Thomas Henrik Hammer

Thomas Henrik Hammer (10. juli 1815–16. februar 1900) var ein norsk embetsmann frå Toten. Han var stortingsmann frå Stavanger amt 1859-61.

Thomas Henrik Hammer
Statsborgarskap	Noreg
Fødd	10. juli 1815 Toten
Død	16. februar 1900 (84 år) Eigersund kommune
Yrke	politikar, jurist
Språk	norsk

Hammer var son av Abraham Falck Hammer (1781–1837), landhandlar på Rogneby i Østre Toten. Sjølv studerte han jus og vart cand.jur. i 1839. Der etter var han sorenskrivarfullmektig i Jæren og Dalane til han i 1860 vart sorenskrivar i Indre Sogn. Sidan hadde han tilsvarande embete i Dalane frå 1869, og var dessutan magistrat og politimeister i Egersund.

I 1850-åra var Hammer medlem av bystyret i Egersund. Stortinget 1859-60 representerte han Stavanger amt, medan han på Stortinget 1865-66 var fyrste varamann frå Nordre Bergenhus amt. 1859-60 var han sekretær i Justiskomité nr. 1.

Hammer døydde i Egersund i sitt 85. år. Han var tildelt St. Olavs orden.

Kjelder

• Lindstøl, Tallak: Stortinget og Statsraadet 1814-1914. Kristiania, 1914