Thomas Münster
Thomas Georg Münster (1. mars 1855–10. mars 1938) var ein bergmeister, ordførar og stortingsmann. I tillegg var han entomolog med særleg interesse for biller, ein av skiparane av Norsk entomologisk forening. Han var både fødd og døydde i Oslo.
Thomas Münster | |||
Fødd | 1. mars 1855 Oslo | ||
---|---|---|---|
Død | 10. mars 1938 (83 år) | ||
Statsborgar av | Noreg | ||
Parti | Venstre | ||
Yrke | politikar, entomolog, ingeniør, geolog | ||
Far | Emil Bertrand Münster | ||
Barn | Emma Grimsgaard | ||
Alle verv |
|
Berg- og myntmeister endre
Münster var son av ein metallurg, og tok sjølv bergeksamen i 1878. Han avla praktisk prøve i 1879, og var sidan knytt til Bergverket og Den Kongelege Mynt på Kongsberg det meste av sitt yrkesliv. Han arbeidde som assistent ved Norges Geologiske Undersøkelser 1882-1897, for det meste på Oslofeltet. 1899-1906 var han myntmeister, 1906-11 bergmeister i Finnmark og 1911-1918 bergmeister i 'Østlandske bergdistrikt'. Han skreiv fleire arbeid om geologi, særleg om Gudbrandsdalen.
Ordførar og stortingsmann endre
Münster var medlem av formannskapet på Kongsberg frå 1885-96 og 1899-1904. Han var ordførar i 1888, 1892-96 og 1900-04. Ei tid var han stortingsmann, han møtte på Stortinget fyrste gongen i 1891 frå 6. mars som varamann for representanten frå Kongsberg. Periodane 1892-94 og 1895-97 var han vald stortingsrepresentant for Venstre frå Kongsberg. I 1891 var han medlem av landbrukskomiteen, sekretær i Odelstinget 1892-94, i landbrukskomiteen 1892-97 og i Stortinget 1895-97.
Entomolog endre
Münster var sannsynlegvis den som kom med idéen då Norsk entomologisk forening vart stifta i 1904. Han var vald til fyrste formann i foreininga, eit verv han hadde i 29 år. I 1937 vart han utnemnd til heidersmedlem.
Etter han gjekk av med pensjon som bergmeister i 1918 fekk Münster statsstipend for å vidareføre sitt vitskaplege arbeid med entomologien. Han arbeidde då ved Zoologisk museum i Oslo. Då han avslutta arbeidet, overlet han ei velorganisert insektsamling på over 80 000 biller, fordelt på 12 000 ulike artar, til Zoologisk Museum i Oslo og Bergen Museum. 65 av billeartane han omtala var nye for vitskapen [1].
1921-32 var han den fyrste redaktøren i Norsk Entomologisk Tidsskrift. Han skreiv meir enn 70 artiklar om entomologiske emne. [2]. Han gav ei omfangsrik, privat boksamling om entomologi til Universitetsbiblioteket i Oslo. I løpet av si levetid utarbeidde han eit manuskript i 12 store bind, der han oppsummerte samtlege av dei til då kjende funn av norske billeartar.
Zoogeograf endre
Münster arbeidde også med zoogeografi. Saman med Knut Dahl og Johannes Lid skreiv han i 1924 verket A division of Norway into bio-geographical sectional areas agreed upon by botanists and zoologists [3]; [4]; [5].
Kjelder endre
- Lindstøl, Tallak:Stortinget og Statsraadet 1814-1914. Kristiania, 1914
- Bokmålswikipedia
Notar endre
Litteratur endre
- Hjalmar Broch:Minnetale over bergmester Thomas Georg Münster i Det Norske Vitenskapsakademiets årbok 1938, side 59-63.
- Dahl, K., Lid, J., Münster, T.:A division of Norway into bio-geographical sectional areas agreed upon by botanists and zoologists. Videnskapsselsapets Skr., Mat.nat. Klasse No. 7. 18 sider. 1924.
- Leif Reinhardt Natvig:Thomas Georg Münster i Norsk Entomologisk Tidsskrift, Bind 5. Side 49-54.
- Entomologien ved Det Kongelige Frederiks Universitet. 1. Tidsrommet 1813-1907.[daud lenkje]. Norsk entomologisk tidsskrift. Bind 7 (1/2). Side 1-73.
- Lauritz Sømme & Lars Ove Hansen (biletredaktør):Entomologiens historie i Norge. Norsk entomologisk forening * 1904-2004 - Norsk entomologisk forening, Zoologisk museum, Universitetet i Oslo. 326 sider. ISBN 82-996923-1-8. 2004