Thorodd Presberg
Thorodd Presberg (fødd 18. januar 1944) er ein tidlegare norsk idrettsutøvar og -leiar frå Drammen. Han har vunne seks norske meisterskap i bandy og tre i fotball, samt eitt seriemeisterskap i fotball. I 1965 fekk han sølv med Noreg i verdsmeisterskapen i bandy. Etter han la opp som aktiv utøvar, var han dommar i både bandy og fotball. Han var medlem i Drafn til 1962, sidan av Strømsgodset Idrettsforening.
| Thorodd Presberg | |
| Statsborgarskap | Noreg |
| Fødd | 18. januar 1944 (80 år) Drammen kommune |
| Idrett | fotball |
Fotball endre
Fyrst frå 1963 spelte Presberg fast på Strømsgodset sitt fotballag. I spann med Steinar Pettersen var han ein viktig angrepsspelar då Strømsgodset i perioden 1969-73 sikra seg tre triumfar i noregsmeisterskap i fotball og i 1970 gjekk til topps i 1. divisjon.
Presberg deltok i tre av Noregs landskampar i 1968, alle enda med stygge tap. I kampen mot Danmark på bortebane skåra han Noregs einaste mål, danskane fann vegen til nettmauskane fem gongar. Også hans fjerde og siste landskamp, 13. mai 1970, enda med tap.
Bandy endre
Presberg vann kongepokalen med Drafn i 1961 og med Strømsgodset i 1963, 1965, 1967, 1968 og 1970. Frå 1973 spelte han Bragerøen sitt bandylag. Han deltok i 29bandy-landskampar og skår 5 mål. I Bandy-VM 1965 var han med vinne sølv for det norske laget.
Trenar og dommar endre
Etter å ha vore trenar for SIF sitt andredivisjonslag i fotball 1977-sesongen, byrja Presberg å dømme fotballkampar. Gjennom 1980-åra dømde han kampar i norske toppseriar. Både i 1983 og 1988 dømde han ein NM-finale. Åra 1989-90 var han dommar i tre fotball-landskampar.
Merittar endre
Fotball endre
- Noregsmeister: 1969, 1970 og 1973 med Strømsgodset IF
- Seriemeister: 1970 med Strømsgodset IF
Kjelder endre
- Thorodd Presberg, international football player ved eu-football
- Thorodd Presberg, international football referee ved eu-football
- Denne artikkelen bygger på «Thorodd Presberg» frå Wikipedia på bokmål, den 27. april 2016.