Tom Levorstad

Tom Levorstad (fødd 5. juli 1957) er ein norsk tidlegare skihoppar som var medlem av Kråkstad Idrettslag. Han vann bronsemedaljen under VM i skiflyging i Oberstdorf i 1981. Same sesongen fekk han sølv under NM i stor bakke, bak Roger Ruud.

Tom Levorstad
Statsborgarskap	Noreg
Fødd	5. juli 1957 (67 år) Noreg
Idrett	skihopping

Karriere

Levorstad gjorde det relativt sett best i store hoppbakkar. Ti gongar var han mellom dei ti beste i verdenscuprenn, og heile ni av desse var i storbakkerenn. Beste verdscupplasseringa var ein tredjeplass i St. Nizier i Frankrike i februar 1980. I den første sesongen med verdscup, 1979/80, kom Levorstad på 12. plass totalt. Same sesongen hoppa han 105 m og sette bakkerekord i Holmenkollbakken.

Levorstads største prestasjon var bronsemedaljen i verdsmeisterskapen i skiflyging i 1981, der han berre hadde finnen Jari Puikkonen og austerrikaren Armin Kogler framom seg på resultatlista.

Besteplasseringar i internasjonale meisterskap og renn

• 1980: Tredjeplass i St. Nizier
• 1981: Bronsemedalje under verdsmeiesterskapen i skiflyging i Oberstdorf
• 1982: Nr 14 i Lahti

Medaljar og besteplasseringar i noregsmeisterskap

• Ski-NM 1978: Nr 7 i både normalbakken på Konnerud og i storbakken på Lillehammer
• Ski-NM 1979: Nr 6 i storbakken i Bærum
• Ski-NM 1980: Nr 7 i normalbakken i Asker
• Ski-NM 1981: Sølvmedalje i storbakken på Odnes
• Ski-NM 1982: Nr 7 i både normalbakken på Raufoss og i storbakken på Rena

Kjelder

• Sportsboken, aktuelle årgangar

Bakgrunnsstoff

• Tom Levorstad i fis-ski.com