Opna hovudmenyen

Roger Ruud (fødd 1. oktober 1958) i Hurdal er ein norsk, tidlegare skihoppar som tevla for Lensbygda Sportsklubb.

Roger Ruud

Roger Ruud 1989 Paraguay stamp.JPG

Statsborgarskap Noreg
Fødd 1. oktober 1958
Hurdal
Idrett skihopping
Yrke skihoppar

Han vann ni verdscuprenn, det fyrste i 1980 og det siste i 1985. Den mest vellukka sesongen kom i 1981, då han vann fem tevlingar i verdscupen. Mellom anna vann han Holmenkollrennet og kom på 2. plass samanlagt i verdscupen, bak austerrikaren Armin Kogler. I 1982 sigra han i nyttårshopprennet i Garmisch-Partenkirchen og vart samanlagt nummer 2 i den tysk-austerrikske hoppveka. Ruud vart noregsmeister 1981 i stor bakke, og 1982 og 1986 i normal bakke. Han vann elles to sølvmedaljar og fire bronsemedaljar under noregsmeisterskapane.

Ruud vart nummer ni og beste nordmann i normalbakken under verdsmeisterskapen 1978 i Lahti. Under vinter-OL 1980 i Lake Placid var han beste nordmann i begge hopprenna. I storbakken vart han då nummer seks og i normalbakken nummer 13. Under ski-VM i Oslo 1982 kom han som fire år tidlegare på niandeplassen i rennet i normalbakken.

Besteplasseringar i internasjonale meisterskap og rennEndra

Medaljar og besteplasseringar i noregsmeisterskapEndra

  • 1975: Nr 8 i normalbakken i Rælingen
  • 1977: Sølvmedalje i storbakken på Odnes
  • 1978: Bronsemedalje i storbakken på Lillehammer
  • 1979: Nr 4 i begge bakkane; høvesvis i Sprova og i Bærum
  • 1980: Sølvmedalje i normalbakken i Asker, bronsemedalje i storbakken i Meldal
  • 1981: Gullmedalje i storbakken på Odnes
  • 1982: Gullmedalje i normalbakke på Raufoss, bronsemedalje i storbakken på Rena
  • 1983: Nr 9 i storbakken på Lillehammer
  • 1985: Bronsemedalje i normalbakken i Bardu
  • 1986: Gullmedalje i normalbakken på Vang
  • 1987: Nr 4 i storbakken på Odnes

YmseEndra

Roger Ruud har også vunne tre noregsmeisterskap i roadracing.