Torstein Guttormsson Fretheim

Torstein Guttormsson Fretheim
	Torstein Guttormsson Fretheim
Fødd	25. januar 1808
Død	30. mai 1874 (66 år)
Statsborgar av	Noreg
Yrke	politikar
Alle verv	stortingsrepresentant (1842–1844); vararepresentant til Stortinget (1845–1847); stortingsrepresentant (1848–1850); vararepresentant til Stortinget (1854–1856); vararepresentant til Stortinget (1859–1861); stortingsrepresentant (1862–1864); vararepresentant til Stortinget (1868–1870); stortingsrepresentant (1871–1873) ;

Torstein Guttormsson Fretheim (25. januar 1808–30. mai 1874) var ein norsk gardbrukar, ordførar og stortingsmann frå Aurland i Sogn. Han var farfar til Thorstein Fretheim den yngre.

Far hans var gardbrukar på Fretheim, men døydde då sonen Torstein var barn. Sonen vart då oppfostra hos besteforeldra. I vaksen alder tok hans så over farsgarden og dreiv den til han skøytte garden over til son sin. Han var ordførar i Aurland i om lag 30 år og i mange år medlem av forlikskommisjonen.

Fretheim representerte Nordre Bergenhus på Stortinget i 1842, 1848, 1862-64 og 1871-73. Han var medlem av militærkomiteen 1842, 1848, 1862-63 og på omframstortinget av komiteen om avløninga av hæren. I perioden 1871-73 var han medlem av budsjettkomiteen, medan han var medlem av Lagtinget 1862-64 og 1871-73.

Han døydde på garden sin i Aurland i 1874.

Kjelder

Lindstøl, Tallak: Stortinget og Statsraadet 1814-1914. Kristiania, 1914