Trøndelag Folkemuseum

Trøndelag Folkemuseum
Stad	Trondheim kommune
Skipa	1909
Opna	1913
Museumstype	kulturhistorie
Direktør	Torunn Herje
Nettstad	http://www.sverresborg.no
Trøndelag Folkemuseum 63.4213°N 10.3571°E / 63.4213; 10.3571

Trøndelag Folkemuseum, eller Sverresborg, er eit stort kulturhistorisk museum på Sverresborg i Trondheim. Det omfattar rundt 60 bygningar og samlingar av gjenstandar, fotografi og arkivmateriale.

Friluftsmuseet har ei bygdeavdeling med bygningar frå ulike deler av Trøndelag og ei byavdeling, Gammelbyen, med bygningar frå Trondheim sentrum. Publikumsbygget opna i 1999, og i 2000 opna basisutstillinga «Livsbilder». Museet har også ei stor samling av arkivmateriale og fotografi. Dei vel 60 bygningane som er gjenreist på museumsområdet kjem frå ulike tidsrom og stad. Den eldste bygningen er Haltdalen stavkyrkje frå Haltdalen, som blei bygd på 1170-talet. Dei fleste bygningane er frå 1700- og 1800-talet.

Trøndelag Folkemuseum blei offisielt stifta i 1913, men arbeidet med å samle gamle bygningar hadde då pågått i fire år. I 1914 blei museet etablert på Sverresborg, nærare bestemt området rundt ruinane av Kong Sverre si borg på Byåsen i Trondheim. Museumsområdet som blir brukt i dag er på ca. 150 dekar, med rom for utviding på endå 150 dekar.

Trøndelag Folkemuseum har også ansvar for drift av Meldal Bygdemuseum, Trondhjems Sjøfartsmuseum og Norsk Døvemuseum. Museet er ein del av Museene i Sør-Trøndelag AS (MiST).

Det var tusenårsstad for Sør-Trøndelag.

• 
  Trøndelag Folkemuseum ved Sverresborg i Trondheim

  Foto: Cato Edvardsen, 2007
• 
  Haltdalen stavkyrkje

  Foto: J. Morten Dreier
• 
  Lo kyrkje på Trøndelag Folkemuseum ved Sverresborg
• 
  «Bytorget» på friluftsmuseet

  Foto: Alan Ford, 2006

Kjelder

• Denne artikkelen bygger på «Trøndelag Folkemuseum» frå Wikipedia på bokmål, den 2. februar 2017.

Bakgrunnsstoff

• Offisiell nettstad

Litteratur

• Mellemsether, Hanna; Reiersen, Elsa og Søholt, Petter (2009): "En Smuk Fremtid" Trøndelag Folkemuseum Sveresborg 100 år. Trondheim. ISBN 978-82519-2482-5