Tresfjord kyrkje

Tresfjord kyrkje er ei åttekantkyrkje på Sylte inst i Tresfjorden i Vestnes kommune i Møre og Romsdal fylke. Kyrkja er frå 1828 og er bygd i lafteverk og kledd med bordkledning. Arkitekt var Erik Kroken. Ho er den eldste kyrkja i Vestnes kommune. Kyrkja har 270 sitjeplassar. Det er kyrkjegard ved kyrkja.

Tresfjord kyrkje
kyrkje
Foto: Henny Stokseth
Kyrkjesamfunn	Den norske kyrkja
Bispedøme	Møre
Prosti	Indre Romsdal
Sokn	Tresfjord
Fellesråd	Vestnes
Type	Åttekantkyrkje
Arkitekt	Erik Kroken
Teknikk	Tømring
Material	Tre
Innvigd	1828
Kyrkjegard	Ved kyrkja
Sitjeplassar	270
Tresfjord kyrkje 62.521944°N 7.138056°E / 62.521944; 7.138056
Wikimedia Commons: Tresfjord kirke

Plasseringa til Tresfjord kyrkje

Dekorasjonene i Tresfjord kirke, som er uhyre raffinert gjort, streifer vår egen tids arkitektoniske ide både hva enkelhet og stringent farvebehandling angår. Kirken som er av tømmer, minner om et stort telt i sin reisning og innvendig er den av en høyst egenartet type, bygget som et tempeltelt båret av fire søyler. Teltarkitekturen betones av det lette, blå-stjernete loft som spendt ut over søylene mellem hvitkalkete vegger med en frise under taket nedentil avsluttet med lambreguins, en tunget draperibord.

Tresfjord kyrkje blei restaurert til 100-årsminne i 1927–1929. Ho blei grundig reparert og restaurert igjen i 2006–2007, etter at ho ein periode måtte støttast opp med wire. Kyrkja er rikt dekorert, og noko av interiøret er frå ei tidlegare kyrkje.

Historie

«Sulta kirkja» er nemnt i Trondhjems reformats 1589. Kjeldene tyder på at det rundt 1600 sto to kyrkjer på Sylte (eller Kyrkjesylte) i Tresfjord, ei gammal forfallen og ei nyare. I 1690 vart det oppført ei korskyrkje av treverk litt lenger vest for noverande bygg. Tårnet var relativt høgt og plassert midt på, veggane var kledd med bord. Material fra 1690-bygget vart gjenbrukt og er fortsatt å finne i gardsbygg i området. Eit sakristiglas frå 1634 vart brukt i kyrkja frå 1690, gjenbrukt i eit våningshus og er no på museum i Trondheim. Sakristiglaset er blyinnfatta og har tekst og bilete i fleire fargar. Preikestolen og ein del anna inventar brukt opp att i noverande bygg. Kyrkja med tilhøyrande eigedom vart i 1721 selgd og kjøpt tilbake av 84 bønder i 1782 (Tresfjord kommune innløyste desse kyrkjelutane i 1902).

Bilete

• 
  Foto frå kirkenorge.no
• 
  Tresfjord kyrkje sett mot nord.
• 
  Kyrkja sett mot sør.

Bakgrunnsstoff

• Om Tresfjord kyrkje i Kyrkjebyggdatabasen
• Tresfjord kyrkje i kulturminnesok.no, nettstaden til Riksantikvaren