Dei tre bispedøma

Dei tre bispedøma (fransk les Trois-Évêchés) utgjorde ein provins i Frankrike i tida før den franske revolusjonen. Det bestod av fyrstbispedøma Verdun, Metz og Toul i Lorraine-regionen.

Dei tre bispedøma i Metz, Toul og Verdun i hertugdømet Lorraine.

Bispedøma var statar i Det tysk-romerske riket fram til dei vart erobra av den franske kongen Henrik II mellom april og juni 1552. Keisar Karl V av Habsburg starta eit felttog mot franskmennene under den italienske krigen 1551–1559 for å ta attende dei okkuperte bispedøma, men mislukkast då han vart slått av franskmennene under hertug Frans av Guise i slaget ved Renty i 1554. Etter keisaren abdiserte i 1556, avslutta etterfylgjaren hans Ferdinand I alle forsøk på å ta attende Dei tre bispedøma. Mot slutten av trettiårskrigen vart dei offisielt gjevne til Frankrike med freden i Westfalen i 1648.

Bispedømet Saint-Dié vart oppretta i 1777 og vert stundom kalla «det fjerde bispedømet i Lorraine», men er ikkje historisk knytt til dei tre bispedøma.

• 
  Metz domkyrkje
• 
  Toul domkyrkje
• 
  Verdun domkyrkje

Kjelder

• Denne artikkelen bygger på «Three Bishoprics» frå Wikipedia på engelsk, den 18. januar 2012.
  • Wikipedia på engelsk oppgav desse kjeldene:
• Trois-Évêchés på Fransk Wikipedia
• 450th anniversary celebrations on the French Ministry of Culture's website
• Biography of Henry II Arkivert 2005-02-08 ved Wayback Machine.