Trude Teige
Trude Teige (fødd 27. juni 1960) er ein norsk journalist, omsetjar, forfattar, programleiar og fjernsynsreporter. Teige debuterte som forfattar med boka Havet syng i 2002. Ho har og jobba som reporter i TV 2 sidan starten. Frå 2008 var Teige programleiar for debattprogrammet Tabloid på same kanal. Ho har også hatt sitt eiget intervjuprogram kalla Trude på TV 2, og jobba som politisk journalist i TV 2 si politiske avdeling.
| Trude Teige | |
 | |
| Statsborgarskap | Noreg |
| Fødd | 27. juni 1960 (64 år) Herøy kommune |
| Yrke | forfattar, journalist, programleiar, nyhetsanker |
Trude Teige voks opp på Teigane i Herøy på Sunnmøre, men bur no i Asker. Ho er utdanna fagomsetjar frå Agder distriktshøgskule (no Universitetet i Agder) i Kristiansand og journalist frå England. Ho starta den journalistiske karrieren i Bergens Tidende før ho fortsette i Dagsnytt i NRK Møre og Romsdal. Sidan starten av TV 2 i 1992 har ho jobba som reporter der og har blant anna laga dokumentaren KameratAr.
Ho har skrive to romanar om Kristiane som lever på 1800-talet. Historia er geografisk og historisk forankra i Herøy og handlar blant anna om kor vanskeleg det var å vere einsleg kvinne på den tida. I tillegg har Trude Teige skrive ei kokebok med blant anna oppskrifter frå barndommen i Herøy.
I 2008 vart Trude Teige tildelt Kringkastingsprisen[1] for nynorskbruk/dialektbruk i media.
Ho har i seinare tid skrive tre krimbøker, og boka Svik blei nominert til Bokhandlerprisen 2012.
Bibliografi
endre- 2009 - Noen vet
- 2002 - Havet syng
- 2003 - Matminne frå mors kjøkken
- 2004 - Lene seg mot vinden
- 2009 - Noen vet
- 2010 - En hjelpende hånd
- 2012 - Svik
- 2014 - Jenta som sluttet å snakke, kriminalroman
- 2015 - Mormor danset i regnet, historisk roman
- 2017 - Pasienten, kriminalroman
- 2019 - Aldri tilgi, kriminalroman
- 2020 - På åstedet, true-crime
- 2021 - Morfar pustet med havet, historisk roman