Tsjukotko-kamtsjatkiske språk

Tsjukotko-kamtsjatkiske språk er ein språkfamilie i det nordaustlege hjørnet av Sibir, mot Beringstredet. Familien består av to språkgreiner, tsjuktsjisk og kamtsjatisk. Den tsjuktsjiske greina omfattar tsjuktsjisk, korjakisk, aljutor og kerek. Det var tidlegare fleire kamsjatiske språk, men berre eitt, itelmensk, har talarar i dag.

Tsjukotko-kamtsjatkiske språk
Vidare inndeling:	tsjuktsjiske språk kamsjatiske språk
Område:	Russisk fjerne austen
Glottolog:	chuk1271

Kart over utbreiinga til dei tsjukotko-kamtsjatkiske språka

Tsjuktsjisk og itelmensk blir ofte, i lag med fleire andre austsibirske språk, referert til som paleosibirske språk. Dette er ikkje ein språkfamilie i eigentleg forstand, i og med at ingen har vore i stand til å vise til genetisk slektskap mellom desse språka. Dei paleosibirske språka er dermed rett og slett dei (attlevande) urfolksspråka i dette området.

Medan dei tsjuktsjiske språka ligg ganske nær kvarandre, er det ganske stor språkleg avstand mellom tsjuktsjisk og itelmensk.

Litteratur

• Fortescue, Michael. 2005. Comparative Chukotko–Kamchatkan Dictionary. Trends in Linguistics 23. Berlin: Mouton de Gruyter.

Bakgrunnsstoff

• Chukotko-Kamchatkan languages page in the MultiTree Project at the LINGUIST List.