Vang prestegard i Valdres
61°07′33″N 8°34′35″E / 61.12579°N 8.57644°E
| Vang prestegard | |||
 | |||
 Vang prestegard i Valdres 61°07′33″N 8°34′35″E / 61.12579°N 8.57644°E | |||
|---|---|---|---|
Vang prestegard (gnr. 32) er ein prestegard i Vang kommune i Innlandet fylke. Prestegarden ligg rett aust for Vang kyrkje, med den okergule hovudbygningen nærast E16.
Hovudbygningen ein ser i dag vart oppført i 1828, og er dermed litt eldre enn kyrkja, som er frå 1840. Det vart utført arbeid i 1866 og 1870[1] som har resultert i ein litt høgare bygning enn opphavleg med verandautbygg. Det har vore både kyrkje og prestegard på staden sidan mellomalderen.
Hovudbygningen er freda saman med drengstova (frå 1800-talet) og stabburet (frå 1897). Vang prestegard er mellom dei mindre prestegardsanlegga, men dannar ei harmonisk eining saman med kyrkja. Garden er rekna for å ha høg kulturhistorisk verdi.
Fotnotar
endre- ↑ Opplysningsvesenets fond
Kjelder
endre- Gunnar Birkeland og Sigrunn Nerdal, red. (2015). «166 Vang prestegård Valdres». Prestegårder i Norge – et utvalg. Opplysningsvesenets fond. s. 141–142.
- Vang prestebolig i Valdres Arkivert 2018-09-04 ved Wayback Machine. hos Opplysningsvesenets fond
- Vang prestegard i Valdres i kulturminnesok.no, nettstaden til Riksantikvaren