Vigfus Viga-Glumsson
Vigfus Viga-Glumsson (Vigfúss Víga-Glúmsson) var ein islandsk skald som levde omkring år 1000. Han kan ha vore fødd om lag 955 og døydde truleg etter 1015.
| Vigfus Viga-Glumsson | |
| Statsborgarskap | Island |
| Fødd | 950-åra |
| Yrke | skald, lyrikar |
| Far | Glúmur Eyjólfsson |
(Illustrasjonen er frå ein biletstein på Gotland)
Far hans var Viga-Glum Eyolfsson[1] (Draps-Glum), om han finst det ei eiga soge: Víga-Glúms soga[2]. Vigfus er omtala både i denne soga og i to andre islandske soger: Tåtten om Ogmund Dott[3] og Soga om Ljosvetningane[4]. Han er òg nemnd i Soga om Olav Tryggvason, Jomsvikingsoga og i Fagerskinna.
Vigfus blir skildra som ein djerv mann, men uroleg av karakter og særs stridbar. På grunn av eit manndrap på Island, vart han dømd fredlaus i nokre år. Han drog då til Noreg, der han slutta sig til Håkon jarl. Skaldatal[5] nemner han som skald hos Håkon jarl og truleg var han seinare skald hos Eirik jarl. Han var med i slaget i Hjørungavåg (Jomsvikingslaget) i 986, der han gjorde dette diktet:
|
|
Vigfus var truleg òg med Eirik jarl i slaget ved Svolder, men deretter ser det ut til at han reiste attende til Island for godt. Han er nemnd som stamfar for ei mektig slekt i Øfjorden på Island. Når han døydde er ikkje kjent.
Kjende dikt av Vigfus Viga-Glumsson er Dikt om Håkon jarl og Lausavise (sjå ovanfor).
Referansar
endre- ↑ Landnåmabok om Viga-Glum, sjå 70.kafli
- ↑ Vigaglums Saga dansk tekst frå heimskringla.no
- ↑ Tåtten om Ogmund Dott dansk tekst frå heimskringla.no
- ↑ Soga om Ljosvetningane dansk tekst frå heimskringla.no
- ↑ Skaldatal frå heimskringla.no
Bakgrunnsstoff
endre- Det norrøne fyrstediktet av Bjarne Fidjestøl, Bergen 1982
- Den norsk-islandske skjaldedigtning v/Finnur Jónsson (red.), København 1912–15
- Víga-Glúms saga Store norske leksikon
- Dikt av Vigfus Viga-Glumsson
- Dikt om Håkon jarl Arkivert 2016-03-06 ved Wayback Machine. frå Skaldic Poetry
- Lausavise Arkivert 2016-03-06 ved Wayback Machine. frå Skaldic Poetry