Walter Zenga
Walter Zenga (fødd 28. april 1960) er ein italiensk fotballtrenar og tidlegare målvakt frå Milano som er best kjend for sine år i Inter. Han vann seriegull med klubben i 1989 og to UEFA-cuptitlar i høvesvis 1991 og 1994. I 1990 fekk han ein bronsemedalje då Italia vann bronsefinalen under fotball-VM på eigen grunn.
 | |||
| Personleg informasjon | |||
|---|---|---|---|
| Fullt namn | Walter Zenga | ||
| Fødselsdato | 28. april 1960 (63 år) | ||
| Fødestad | Milano i Italia | ||
| Høgd | 188 cm | ||
| Posisjon | Målvakt | ||
| Seniorkarriere* | |||
| År | Lag | Kampar | (Mål) |
| 1978-1994 | Inter | 328 | (0) |
| 1978-1979 | Salernitana (lån) | 3 | (0) |
| 1980-1982 | Sambenedettese (lån) | 67 | (0) |
| 1994-1996 | Sampdoria | 41 | (0) |
| 1996-1997 | Padova | 21 | (0) |
| 1997-1999 | New England Revolution | 47 | (0) |
| Totalt | 530 | (0) | |
| Landslag | |||
| 1987-1992 | Italia | 58 | (0) |
| * Seniorklubbkampar og mål berre telt for nasjonal liga | |||
Fotballspelar og -leiar endre
Klubbspel endre
Etter spel i Serie B fekk han kontrakt med Milano-klubben Inter i 1982. Han debuterte i Serie A i september 1983 og vart omgåande fyrstekeeper i klubben, ein posisjon han hadde i 11 sesongar. Han vart italiensk seriemeister med klubben i 1989, og vann UEFA-cupen i 1991 og 1994. Zenga vart årets italienske fotballspelar i 1985, og han vart i tre år på rad, 1989, 1990 og 1991, kåra til verdas beste målvakt.
Sommaren 1994 vart Zenga overført til Sampdoria og deretter i 1996 til Padova. Allereie i 1997 gjekk turen til USA-amerikanske New England Revolution, der han spelte i sesongane 1997 og 1999.
Landslagsspel endre
Zenga spelte totalt 58 landskampar for Italia i tida 1985 til -92, mellom anna deltok han i Sommar-OL 1984, EM i fotball 1988 og i VM i fotball 1990 på heimebane i Italia, der Zenga spelte samtlege kampar for Italia. Han vakta såleis målet då Italia slo England 2-1 i bronsefinalen, ein kamp som fann stad i Bari.
Trenar endre
Etter han la fotballskoa på hylla arbeidde Zenga ein sesong som skodespelar i ein italiensk såpeopera. Han prøvde seg deretter som trenar i den nordamerikanske fotballigaen, utan større suksess.
Han fekk så sjansen i Steaua Bucureşti, og i sesongen 2004/05 trente han laget til rumensk seriemeisterskap. Sesongen 2005/06 trente han det serbiske laget Raude Stjerne Beograd til både seriemeisterskap og cup-meisterskap.
Merittar endre
Spelar endre
- VM-bronse 1990 for Italia
- Vinnar av UEFA-cupen 1991 og 1994 med Inter
- Italiensk seriemeister 1989 med Inter
Trenar endre
- Rumensk seriegull 2005 til Steaua Bucureşti
- Serbisk seriegull 2006 til Raude Stjerne Beograd
- Serbisk cuptriumf 2006 til Raude Stjerne Beograd
Bakgrunnsstoff endre
- Walter Zenga på FIFA sin offisielle nettstad
- (en) Walter Zenga – Profil og resultatoversikt i olympiske konkurransar på sports-reference.com.