When the Ship Comes In
| When the Ship Comes In Song av Bob Dylan frå albumet he Times They Are a-Changin' | ||
| Utgjeve | 13. januar 1964 | |
| Innspelt | 23. oktober 1963 | |
| Sjanger | Vise | |
| Lengd | 3:18 | |
| Selskap | Columbia | |
| Komponist | Bob Dylan | |
| Tekstforfattar | Bob Dylan | |
| Låtskrivar(ar) | Bob Dylan | |
|---|---|---|
| Produsent | Tom Wilson | |
«When the Ship Comes In» er ei vise av Bob Dylan, gjeven ut på det tredje albumet hans, The Times They Are a-Changin' i 1964.
Joan Baez sa i dokumentarfilmen No Direction Home at songen var meir eller mindre inspirert av ein hotellresepsjonist som nekta å la Dylan få eit rom fordi han såg «uvaska» ut (han var ikkje kjend utafor visemiljøet på denne tida). Songen flyt så ut til å bli ein episk allegori om å sigre over dei undertrykkande «høge herrane». Ei anna inspirasjonskjelde var Bertolt Brecht/Kurt Weill-songen «Pirate Jenny».[1]
I følgje biografiforfattaren Clinton Heylin vart «When The Ship Comes In» skriven i august 1963 «etter Dylan vart fornærma då han prøvde å bestille eit hotellrom, men resepsjonisten mislikte den ustelte utsjånaden hans og Joan Baez måtte gå god for han». Heylin spekulerer i at «Jenny's Song» frå Brecht- og Weill sin Threepenny Opera òg var ein inspirasjon. Den tidlegare kjærasten til Dylan, Suze Rotolo, hugsar at «interessa hennar for Brecht påverka han. Eg arbeidde for The Circle i Square Theater og han kom ofte å høyrde på. Han likte særs godt songen som Lotte Lenya var kjend for, 'Pirate Jenny'.»[1]
Kort tid etter Dylan skreiv songen, framførte han og Baez songen i lag på Marsjen til Washington den 28. august 1963, som ein kan høyre på Dylan-albumet Live 1962-1966: Rare Performances From The Copyright Collections (2018). Dylan framførte seinare songen i Carnegie Hall den 26. oktober 1963. Denne versjonen finst å The Bootleg Series Vol. 7: No Direction Home: The Soundtrack (2005).
Dylan framførte songen under Live Aid den 13. juli 1985, akkompagnert av Keith Richards og Ron Wood frå Rolling Stones.
Kjende versjonar
endre- Peter, Paul and Mary spelte inn songen i 1965 på albumet A Song Will Rise og gav han ut på singel.
- Arlo Guthrie framførte songen i 1972 på albumet Hobo's Lullaby i tillegg på konsertar. Eit konsertopptak finst på Live In Sydney.
- Cindy Kallet, Ellen Epstein & Michael Cicone framførte songen i 1993 på albumet sitt Only Human.
- Den irske visegruppa The Clancy Brothers framførte songen på The 30th Anniversary Concert Celebration frå Bob Dylan. Dei spelte òg inn songen i 1995 på albumet sitt Older But No Wiser.
- Det irske punkrockbandet The Pogues spelte songen i 1996 på albumet Pogue Mahone.
- The Chieftains fekk med seg The Decemberists på songen i 2012 på albumet Voice of Ages.
- Det skotske rockebandet Idlewild spelte inn songen som ei B-side til singelen sin «These Wooden Ideas».
- Marcus Carl Franklin spelte inn songen i den Dylan-inspirerte filmen I'm Not There. Denne versjonen finst i den originale musikken til filmen.
- The Hollies spelte denne songen på albumet sitt Hollies sing Dylan. I 2017 vart versjonen deira av «When the Ship Comes In» nytta i ei reklamefilm for Volkswagen.
- Hugues Aufray spelte inn songen på fransk som «Le jour ou le bateau viendra».
- Den britiske gruppa Folk Blues Incorporated spelte inn songen som A-side på ein single (B-side: Don't Hide), som kom ut i november 1966[2]
Svensk versjon
endre- Dei svenske songarane Mikael Wiehe og Totta Näslund song ein svensk versjon på albumet sitt Totta & Wiehe - Dylan. Denne var omsett av Wiehe og kalla «När vårt skepp slår til».
Norsk versjon
endreFredrik Friis skreiv ein norskspråkleg versjon av songen kalla «Vel i havn», framført av Hansen i 1970.
Kjelder
endre- Denne artikkelen bygger på «When the Ship Comes In» frå Wikipedia på engelsk, den 4. november 2018.
- Wikipedia på engelsk oppgav desse kjeldene:
- ↑ 1,0 1,1 Heylin, Clinton (2000). Bob Dylan: Behind the Shades Revisited. s. 124–125. ISBN 978-0060525699.
- ↑ «Folk Blues Incorporated Discography - All Countries - 45cat». www.45cat.com.