Wiencke Island

	Wiencke Island
	øy
	Luigi peak, Fief Range i Wiencke Island
Land	Antarktis
Øygruppe	Antarktiske Arkipel
Del av	Antarktiske Arkipel
Stad	Antarktis
- koordinatar	64°49′37″S 63°21′22″W / 64.827°S 63.356°W
Høgaste punkt	Luigi Peak
• høgd	1 415 moh.
Lengd	26 km
Areal	67 km²
Folketal	0
Administrert under	Antarktistraktaten
	; Wiencke Island; 64°50′00″S 63°23′00″W / 64.833333333333°S 63.383333333333°W
	Wiencke Island (Antarktis)
	Wikimedia Commons: Wiencke Island

Wiencke Island er ei den sørlegaste av dei store øyane i Antarktiske Arkipel, som ligg mellom Île Anvers i nord og vestkysten av Den antarktiske halvøya.

Øya verkar å ha blitt oppdaga først av Edward Bransfield ombord på briggen «Williams» i januar 1820, men han namngav eit nes. I 1829 segla Henry Foster kring øya. I 1873 var den tyske Eduard Dallmann den første som gjekk i land på øya og omtalte ho som «ein einsam stad». Øya vart namngjeven av Belgica-ekspedisjonen, 1897–99, under Adrien de Gerlache, etter Carl August Wiencke, ein norsk sjømann som fall overbord og mista livet under ekspedisjonen.

Den klipperike øya er stort sett dekt av isbrear, snø og is. Somme små steinete strender ligg på vest- og nordsida av øyane. Ein finn noko gras, mose og lav på øya. Det er tre fjellryggar med Nemo Peak (864 moh) i nordvest, Nipple Peak i nordaust, og Luigi Peak (1415 moh) i sørvest. Luigi Peak er den høgaste toppen på øya, men øya har aldri vorte skikkeleg kartlagd. Av mindre øyar kring denne øya er Breakwater Island, 8 km nord for Cape Astrup, det nordlegaste punktet på Wiencke Island. Nær søraustsida av Fridtjof Island som er knytt til Wiencke av ei rekkje skjer og holmar. I nærleiken av Cape Willems, det sørlegaste punktet i Wiencke, ligg Bob Island.

Storbritannia sette opp ein base på Deception og i ei bukt på Wiencke Island i 1944 og ein annan base ved Hope Bay i 1945 for å rapportere vêret og å sjekke at det ikkje var tysk marineaktivitet der. Berre ein av desse tre basane finst framleis, på Goudier Island i bukta Port Lockroy, utanfor Jougla Point, nær sørvestenden av Wiencke Island.

Eit argentinsk lett tårn vart installert i 1947 ved Py Point ved sørvestenden av Peltier Channel på den nærliggande Île Doumer, og ei bergingshytte vart reist i Dorian Bay i 1957, nord for Port Lockroy. British Antarctic Survey (BAS) reiste ei skysshytte, kjend som Damoy Point-hytta, nær den argentinske hytta i 1975 som fungerte som base for ei mellombels flystripe på isen på sommartid. Denne vart lagt ned i 1995.

Ein annan vitskapleg stasjon (Yelcho) vart oppretta i 1962 av Den chilenske marinen i South Bay på den nærliggande Île Doumer. Ei naudhytte vart bygt i 1957 i Alice Creek 150 meter sør for Goudier Island på austkysten av øya, før det etter to år vart bygt ei større hytte. Desse to hyttene vart fjerne i 1996, emdan basen på Goudier Island vart sett i drift att.

Sjå òg

Kjelder

Denne artikkelen bygger på «Wiencke Island» frå Wikipedia på engelsk, den 20. oktober 2012.
- Wikipedia på engelsk oppgav desse kjeldene: